Lucas 23:35 - Maung A Balita Biblia

³⁵ Manalalagey iray totood man tan bambantayan day Jesus; balet saramay opisyal na baley niludlurey da. Inkuanda, “Inlaban to ray arum. Ilaban to met komuy laman ton dili, no tuan sikatoy Cristo a piniliy Dios!”

Maung a Balita Biblia

³⁵ Manalalagey iray totood man tan bambantayan day Jesus; balet saramay opisyal na baley niludlurey da. Inkuanda, Inlaban to ray arum. Ilaban to met komuy laman ton dili, no tuan sikatoy Cristo a piniliy Dios!

Lucas 23:35 Iomraidhean Croise

Saray Salmo 22:17

Sankanengneng la ray pokel ko. Nengnengnengen tan molmolagatan ak na saray kalaban ko.

Saray Salmo 35:15

Balet nen maniirap ak, makaliliket ira tan niliktub da ak a ludlureyen; kinabil ak na saray totoon ag ko kabat tan ag da ak tinondaan a pinairap.

Saray Salmo 4:2

Kapigay itonda yon mamapabaing ed siak, sikayo ran totoo? Kapigay itonday pangaaro yod andi-kakanaan iran salita tan say panaanap yod saray tila?

Saray Salmo 69:26

Papairapen da ray dinudusam; sasalitaen da ray irirap da ray sinusugatan mo.

Saray Salmo 71:11

Kuanda, “Inkaindan la na Dios! Osilan tayon erelen, ta anggapoy mangyagel ed sikato.”

Isaias 42:1

Say Katawan kuanto, “Saya so aripen ko a pinabiskeg ko— sikatoy pinilik tan pakaliliketan ko. Pinanok na ispirituk, tan sikatoy mangyakar ed balang bansa na inkatonung.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Saray Tagleey 3:14

Nagmaliw ak ya elek-elekan lawas na katoowan; siak so gagalaw-galawen dan amin.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Mateo 12:18

“Sava so aripen ko a pinilik, sikatoy inarok tan pakaliliketan ko. Iter koy Ispirituk ed sikato, tan sikatoy mangipakabat na katonungan ed amin a katoowan.

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Lucas 23:13

Impatawag nen Pilato ray manonan papari, saray opisyal na baley, tan saray totoo,

Lucas 23:39

Pinapabaingan na sakey ed saramay mambitbitin a kriminal. Inkuanto, “Aliwa tan sikay Cristo? Ilaban moy sikan dili tan pati sikami met!”

1 Pedro 2:4

Singger kayod Katawan, say baton mabilay ya imbantak na totoo, balet pinili na Dios tan mabmablid pakanengneng to.