Lucas 22:42 - Maung A Balita Biblia

⁴² “Ama,” inkuanto, “no labay mo, ipaliis mo ak pad sayan kupay kairapan. Anggaman ontan, aliwan say linawak, no ag ingen say linawam, so nasumpal.”

Maung a Balita Biblia

⁴² Ama, inkuanto, no labay mo, ipaliis mo ak pad sayan kupay kairapan. Anggaman ontan, aliwan say linawak, no ag ingen say linawam, so nasumpal.

Lucas 22:42 Iomraidhean Croise

Saray Salmo 40:8

Agaylay liket kon mangoonur na linawam, O Dios ko! Yaatul kod pusok so bangat mo.”

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Isaias 51:22

iyaagel kayo na Katawan a Dios yo tan kuanto, “Eekalen koy kupan inter kod sikayo lapud pasnuk ko. Ag yo la nepeg ya inomen so alak a makapadongilngil ed sikayo.

Jeremias 25:15

Say Katawan a Dios na Israel inkuantod siak, “Nia so kupa na alak a napnoy pasnuk ko. Alam ta ipainom mod saray bansan pangibakian kod sika.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Mateo 11:26

On, Ama, agawa ya ta sikatoy nilabay mo.

Mateo 20:22

“Ag yo amtay kekerewen yo,” kuanen Jesus. “Nayarian yo kasiy oninom ed kupan inoman ko?” “Nayarian mi,” ebat da.

Mateo 26:39

Kaarawi toy daiset, dinmakmomo a sinmabid dalin so lupa to tan nampikasi, “Amak, no nayari komun, ipaliis mo siak yan kupay kairapan! Balet aliwan say linawak, no ag ingen say linawam, so nasumpal.”

Mateo 26:42

Pinmidwan inmarawi si Jesus tan nampikasi, “Amak, no ag nipaliis yan kupay kairapan likud ya inomen ko, say linawam so nasumpal.”

Mateo 26:44

Tinaynan to ra lamet nen Jesus tan inmarawi. Mikatlo la yan pampikasi to, tan nampaparay imbaga to.

Mateo 6:10

onsabi la komuy Panarian mo; nagawa komun ed tapew na dalin so linawam a singa pakagagawa to ed tawen.

Marcos 14:36

Inkuanto, “Ama, O Ama! Nayarian mon gawaey amin a bengatla. Ipaliis mo pad siak yan kupay kairapan. Balet aliwan say linawak, no ag ingen say linawam, so nasumpal.”

Lucas 23:34

Inkuanen Jesus, “Ama, pirdonam ira, ta ag da amtay gagawaen da!” Kayari ran nampapalaranan iray kawes to, inapag da.

Juan 18:11

Inkuanen Jesus ed Pedro, “Ikaluban mo tay ispadam. Ag ko ta nepeg ya inomen so kupay kairapan ya inter na Ama ed siak?”

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

Juan 5:30

“No siak a dili, anggapoy nagawaan ko. Manintinsia ak onung na narerengel kod Ama. Matonung so panintinsiak lapud ag ko gagawaen so linawak a dili, no ag ingen say linawa na angibakid siak.

Juan 6:38

Ta linma ak dian nanlapud tawen pian gawaen koy linawa na angibakid siak, aliwan say linawak a dili.

Saray Gawgawa 21:14

Ag min talaga natanggoyur, kanyan tinondaan mi la tan inkuan mi, “Nagawa komuy linawa na Katawan.”