Lucas 22:33 - Maung A Balita Biblia

³³ “Katawan,” ebat nen Pedro, “sipaparaan ak a napriso tan ompatey a kaiba ta ka!”

Maung a Balita Biblia

³³ Katawan, ebat nen Pedro, sipaparaan ak a napriso tan ompatey a kaiba ta ka!

Lucas 22:33 Iomraidhean Croise

Probirbio 28:26

Inkakulang-kulang so panmatalek ed dilin pakatalus mo. Arawian moy kaatapan, tan tombuk mo ray bangat na saray totoon lalon makabat.

Jeremias 10:23

Katawan, amtak ya anggapoy siopaman a toon walad lima toy pansumpalan to; anggapoy toon nabembenan toy dilin bilay to.

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.

Mateo 20:22

“Ag yo amtay kekerewen yo,” kuanen Jesus. “Nayarian yo kasiy oninom ed kupan inoman ko?” “Nayarian mi,” ebat da.

Marcos 14:29

Inkuanen Pedro ed sikato, “Anggan taynan da kan amin, ag ta kan balut taynan!”

Marcos 14:31

Lalon makmakpel ya inmebat si Pedro, “Ag kon balut ibagan ag ta ka kabat, anggan kaiba ta kan pateyen da!” Onya met so imbaga na amin da ray arum a disipulo.

Lucas 22:34

Inkuanen Jesus, “Kuankod sika, Pedro, kasakbayay ikukaok na lalung ed sayan agew, mamitlon ibagam ya ag mo ak kabat.”

Lucas 22:57

Balet imbori nen Pedro. Inkuanto ni ingen, “Andi pa, ag ko kabat itan a too!”

Juan 13:38

Inmebat si Jesus, “Tua kasin sipaparaan kan ompatey makasengeg ed siak? Ibabagak ed sikay katwaan: kasakbayay ikukaok na lalung, mamitlon ibagam ya ag mo ak kabat.”

Saray Gawgawa 21:13

Balet inmebat, “Akin et onaakis kayo? Ag yo kari papakapoyey liknaan ko! Aliwa ak labat a sipaparaan a pabalur ed Jerusalem no ag pati papatey lapud ngaran nen Jesus a Katawan.”