Lucas 22:19 - Maung A Balita Biblia

¹⁹ Insan angalay tinapay tan kasumpal ton akisalamat ed Dios, pinipisag to, inter tod sikara tan inkuanto, “Sikato yay laman ko a niiter ed sikayo. Gawa yo ya a pakanudnunotan ed siak.”

Maung a Balita Biblia

¹⁹ Insan angalay tinapay tan kasumpal ton akisalamat ed Dios, pinipisag to, inter tod sikara tan inkuanto, Sikato yay laman ko a niiter ed sikayo. Gawa yo ya a pakanudnunotan ed siak.

Lucas 22:19 Iomraidhean Croise

Saray Salmo 111:4

Ag ipapalingwan na Katawan iray makapakelaw a kimey to; sikatoy mapangasi tan maabagey.

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

Ezekiel 37:11

Inkuan na Dios ed siak, “Sika a toon ompatey, saray totood Israel et singa sarayan pokepokel. Ibabaga ra ya amagaan ira, naandian la ray ilalo tan anggapoy kabaliksan na arapen da.

Ezekiel 5:5

Say Katawan a Dios kuanto, “Nengneng moy Jerusalem. Inlirak ed pegley na mundo tan walad kaliber-liber to ray arum a bansa.

Daniel 2:38

Impagmaliw to kan manoley ed amin a pasen a kawalaan na totoo tan manoley ed amin da ray ayayep tan amin da ray manok. Sika may olon balituk.

Mateo 14:19

Pinayorung tod karikaan iray totoo. Inala tod satan ira may limaran tinapay tan duaran sira, tinmangay ed tawen tan akisalamat ed Dios. Pinipisag to ra may tinapay tan imbaga tod saray disipulo ya ibunog dad saray totoo.

Mateo 15:36

Inala to ra may pitoran tinapay tan saramay sira, akisalamat ed Dios, pinipisag to ra, insan to ra inter ed saray disipulo tan imbunog dad saray totoo.

Lucas 22:17

Angalay kupa tan kasumpal ton akisalamat ed Dios inkuanto, “Ala yo ya tan paniinoman yon amin.

Lucas 22:20

Ontan met a kayari ran nandem, inter tod sikaray kupa a kuanto, “Sayan kupa sikatoy balon impisipanay Dios a paneknekay dalak ya onterter para sikayo.

Lucas 24:30

Nen karongo rad lamisaan angalay tinapay, akisalamat ed Dios, pinipisag to, insan to inter ed sikara.

Juan 6:23

Wala ray baloton nanlapud Tiberias a sinmabid pasen ya asingger ed samay anganan na saray totoo na tinapay, nen kasumpal na Katawan ya akisalamat.

Juan 6:51

Siak so mabilay a tinapay a linmeksab a nanlapud tawen. Mambilay ya andi-angga so siopaman a mangan ed sayan tinapay. Say tinapay ya iter kon makapangiter na bilay ed sankamundoan et say laman ko.”

1 CORINTO 10:16

Aliwa kasin say iyiinom tayod kupa na bindision a pisasalamatan tayod Dios et pinanabang ed dala nen Cristo? Tan say papangan tayoy tinapay a pipisagen tayo et pinabang ed laman nen Cristo?

1 CORINTO 10:4

inminom ira na namparan maispiritu ya iinomen. Inminom ira ed maispiritun bato ya angolup ed sikara, tan sayan baton-dampay et si Cristo.

TAGA GALACIA 1:4

Pian nabolus itayod kaogsan a manooley ed sayan panaon, imbagat nen Cristo so bilay to lapud saray kasalanan tayo. Ginawa to ya, onung ed linaway Dios tan Ama tayo.

TAGA GALACIA 4:25

Iyaaliling nen Agar so Palandey na Sinai ed Arabia, tan sikatoy mangilalaman ed peles a siudad natan na Jerusalem a nagmaliw ya aripen tan saray totoon manaayam diman.

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

1 TESALONICA 5:18

Diad anggan anton kipapasen misalamat kayod Dios, ta sikato yay linawa to para sikayo, diad pambibilay yon kaolup yoy Cristo Jesus.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.