Lucas 22:17 - Maung A Balita Biblia

¹⁷ Angalay kupa tan kasumpal ton akisalamat ed Dios inkuanto, “Ala yo ya tan paniinoman yon amin.

Maung a Balita Biblia

¹⁷ Angalay kupa tan kasumpal ton akisalamat ed Dios inkuanto, Ala yo ya tan paniinoman yon amin.

Lucas 22:17 Iomraidhean Croise

Saray Salmo 116:13

Mangyakar ak ed Katawan na bagat ya alak, a pisalamat kod impangilaban tod siak.

Saray Salmo 23:5

Mangipaparaan kay ponsia a para siak, a pakanengnengan ed siak na saray kalaban ko; maliket so pangaawat mod siak, tan manlepwa so pamapanom na kupak.

Jeremias 16:7

Anggapoy mirongon mangan odino oninom ed siopaman pian ligliwaen tod impatey na inaro tod bilay. Anggapoy mangipanengneng na abagey tod siopaman anggan diad toon naandi so ina o ama to.

Mateo 14:19

Pinayorung tod karikaan iray totoo. Inala tod satan ira may limaran tinapay tan duaran sira, tinmangay ed tawen tan akisalamat ed Dios. Pinipisag to ra may tinapay tan imbaga tod saray disipulo ya ibunog dad saray totoo.

Mateo 15:36

Inala to ra may pitoran tinapay tan saramay sira, akisalamat ed Dios, pinipisag to ra, insan to ra inter ed saray disipulo tan imbunog dad saray totoo.

Mateo 26:26

Nen peles dan mangakan, angalay tinapay si Jesus. Kasumpal ton akisalamat ed Dios, pinipisag to, insan to inter ed saray disipulo to tan kuanto, “Ala yo ya tan akan yo; sikato yay laman ko.”

Marcos 14:22

Nen peles dan mangakan, angalay tinapay si Jesus. Kasumpal ton akisalamat ed Dios, pinipisag to, insan to inter ed saray disipulo to tan kuanto, “Ala yo ya; sikato yay laman ko.”

Lucas 22:19

Insan angalay tinapay tan kasumpal ton akisalamat ed Dios, pinipisag to, inter tod sikara tan inkuanto, “Sikato yay laman ko a niiter ed sikayo. Gawa yo ya a pakanudnunotan ed siak.”

Lucas 9:16

Inala nen Jesus ira may limaran tinapay tan duaran sira, tinmangay ed tawen, tan akisalamat ed Dios. Pinipisag to ra tan inter tod saray disipulo to ya ibunog dad saray totoo.

Saray Taga Roma 14:6

Say toon ngingilinan toy sakey ya agew, manngingilin a pamagalang tod Katawan; say toon kakanen toy amin a nakan, mamangan a pamagalang tod Katawan, ta pisasalamatan tod Dios so kakanen. Say too balet ya ag mamangay arum iran nakan, ag mamangan a pamagalang tod Katawan, tan pisalamatan to met so Dios.

1 CORINTO 10:16

Aliwa kasin say iyiinom tayod kupa na bindision a pisasalamatan tayod Dios et pinanabang ed dala nen Cristo? Tan say papangan tayoy tinapay a pipisagen tayo et pinabang ed laman nen Cristo?

1 CORINTO 11:23

Ta inawat kod Katawan so bangat ya inter kod sikayo: say Katawan a Jesus, diad samay labin impangyawat dad sikato, angalay tinapay,

Deuteronomio 8:10

Walad may amin a labay yon kanen, tan misalamat kayod Katawan a Dios yo lapud saman a mataban dalin ya inter tod sikayo.