Lucas 22:16 - Maung A Balita Biblia

¹⁶ Kuankod sikayon ag ak lan balut mangan ed saya, anggad naitday nagnap a kabaliksan ed Panariay Dios.”

Maung a Balita Biblia

¹⁶ Kuankod sikayon ag ak lan balut mangan ed saya, anggad naitday nagnap a kabaliksan ed Panariay Dios.

Lucas 22:16 Iomraidhean Croise

Lucas 12:37

Alay liket da ray aripen a sipaparaan a nasabiay amo ra. Kuankod sikayo, ilislis toy kawes to, payorungen to ra, insan to ra serbian.

Lucas 14:15

Nadngel ya na sakey ed saramay akarongod lamisaan, kanyan inkuantod kinen Jesus, “Maliket so toon makapirongod lamisaan ed Panariay Dios!”

Lucas 22:15

Inkuantod sikara, “Nampirpirawatan koy mirongod sikayo ed sayan Pandem na Paskua, kasakbayay panirap ko!

Lucas 22:18

Kuankod sikayo a manlapud natan, ag ak la oninom na sayan tabul na ubas, anggad isabi na Panariay Dios.”

Lucas 22:30

pian mangan tan oninom kayo ed lamisaan ko diad Panarian ko, tan onyorung kayo met ed saray trono a manintinsia ed saray labinduan tribu na Israel.”

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

Saray Gawgawa 10:41

Balet ag nampanengneng ed amin a katoowan no ag ingen diad sikami labat a pinili lay Dios nen saman a tasi to. Akirongo kamid sikato ya angan tan inminom, kasumpal na inkioli tod bilay.

Puyan 19:9

Insan inkuanto may anghil ed siak; “Isulat mo: Maliket iray inimbitaan ed ponsiay bansal na Kordiro.” Inkuanto ni, “Sikara yay tuan salitay Dios.”