Lucas 21:24 - Maung A Balita Biblia

²⁴ Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Maung a Balita Biblia

²⁴ Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.

Lucas 21:24 Iomraidhean Croise

Genesis 34:26

Pinatey da met si Hamor tan si anak ton Sikem, inala ray Dina ed abung nen Sikem, insan la ra tinmaynan.

Exodo 17:13

Diad onya si Josue sigput ton tinalo ray Amalecita.

Isaias 5:5

“Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Isaias 63:18

Sikami ran masanton totoom et apataynan kami ya agano na saray kalaban mi; ginagatinan day santuariom.

Isaias 66:12

Say Katawan kuanto, “Iyakar kod sikayoy ag manganggan aligwas; saray kayamanan na saray bansa onagos irad sikayo a singa sakey ya ilog ya ag balut naekatan. Magmaliw kayon singa sakey ya ogaw ya aasikasoen na ina to, aampopoen to, tan aaroen to.

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Saray Tagleey 1:15

“Inelekan na Katawan ya amin iray makapanyarin sondalok; Angibaki na saray sondalon ondogpa ed siak tan maneral ed saray lalakin tobun-balo. Minekmek to ray sankaabigan a totook a singa kapepespes na saray ubas ed panagpespesan.

Daniel 12:7

Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, “Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.”

Daniel 8:13

Insan ko nadngel so sakey ya anghil ya anepet ed kapara ton anghil, “Kapigay pangangga na saraman a bengatlan anengneng ed pasingayew? Kapigay pangangga na sakey a makapasinagem a kasalanan a sinmalat ed inagew-agew iran bagat? Kapigay pangangga na pakagatin-gatin ed saray sondalo ed tawen tan say Timplo?”

Daniel 9:27

Pitoy taon a saman a manoley et nawalaan na malet a sipanan ed amayamay a totoo, tan kalabas na kapalduad sayan panaon, patondaen toy pangisaklang na saray bagat. Nipasen ed sankatageyan a parti na Timplo so Makapataktakot a Managderal tan mansiansiad man ya anggad onsabi so inggetar na Dios a pangangga na samay angipasen diman.”

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Lucas 21:25

“Onletaw iray tanda ed agew, bulan, tan saray bitewen. Diad dalin, saray bansa nagolo rad kataktakot dad saray daluyon tan say ungol na dayat.

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Saray Hebreo 11:34

ineerep day manliub ya apoy, tan nililiktaran day ipapatey ed ispada. Kinmakapoy ira, balet nagmamaliw iran mabiskeg; makapanyari rad bakal tan tinatalo da ray sondalo na saray arum a bansa.

Puyan 11:2

Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.