Lucas 20:25 - Maung A Balita Biblia

²⁵ Inkuanen Jesus, “No ontan sirin, iter yo Impirador so nabebetangay Impirador, tan iter yo met ed Dios so nabebetangay Dios.”

Maung a Balita Biblia

²⁵ Inkuanen Jesus, No ontan sirin, iter yod Impirador so nabebetangay Impirador, tan iter yo met ed Dios so nabebetangay Dios.

Lucas 20:25 Iomraidhean Croise

Probirbio 24:21

Anak ko, igalang moy Katawan tan pagalangan moy ari. Ag ka mibabalid saray totoon onlalaban ed sikara.

Mateo 17:27

Balet pian anggapoy nibaga rad sikatayo, lakad dayat ta mambanwit ka. Alam so onaan a siran nabanwit mo. Walay kuartan naalmom ed sangi to a dugan ibayar tan buis a para Timplo. Alam, ta ibayar mo.”

Mateo 22:21

“Say Impirador,” ebat da. “No ontan sirin,” kuanen Jesus, “iter yod Impirador so nabebetangay Impirador, tan iter yo met ed Dios so nabebetangay Dios.”

Marcos 12:17

Kanyan si Jesus kuanto, “Iter yod Impirador so nabebetangay Impirador, tan iter yo met ed Dios so nabebetangay Dios.” Kanyan mankelaw irad sikato.

Lucas 20:24

“Ipanengneng yo pad siak so sakey a kuartan pilak. Siopay akanlupa tan akanngaran na nitatak ed kuarta?” “Say Impirador,” ebat da.

Saray Gawgawa 5:29

Inmebat si Pedro tan saray arum ya apostol, “Nepeg min onurey Dios, aliwan saray totoo.

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

1 Pedro 4:11

Sarag moy mampulong? Ipulong moy salitay Dios. Sarag moy manlingkur? Ikanam ed panaglingkur so biskeg ya inter na Dios ed sika; diad ontan, napagalangay Dios ed amin a bengatla, diad panamegley nen Jesu-Cristo. Kayaryan na Dios so galang tan pakayari ed ando lan ando! Amen.