Lucas 20:2 - Maung A Balita Biblia

² Inkuandad sikato, “Ibagam pad sikami: antoy pankatonungan mon manggawad saraya? Siopay angiter ed sikay pankatonungan a manggawad saraya?”

Maung a Balita Biblia

² Inkuandad sikato, Ibagam pad sikami: antoy pankatonungan mon manggawad saraya? Siopay angiter ed sikay pankatonungan a manggawad saraya?

Lucas 20:2 Iomraidhean Croise

Exodo 2:14

Inmebat imay too, “Siopa so anorod sika a manoley tan manintinsia ed sikami? Labay mo ak a pateyen a singa impamatey mod samay Egipsio?” Tinmakot ed satan si Moises tan inkuantod sikaton dili, “Akabatan la na totoo imay ginawak.”

Lucas 20:1

Aminsan ya agew, nen babangatan nen Jesus iray totoon walad Timplo tan ipupulong toy Maung a Balita, inmasingger iray manonan papari, saray iskriba, tan saray mamatakken na baley.

Lucas 20:3

Inmebat si Jesus, “Wala pa labat so tepeten kod sikayo. Ibaga yo pad siak:

Juan 2:18

Dinmago sirin iray Judio ed sikato tan tinepet da, “Anton milagro so nipanengneng mod sikami a mamaneknek na pankatonungan mon manggawad saraya?”

Saray Gawgawa 7:27

Balet intolak na mamapairap ed samay sakey tan inkuanto, ‘Siopay angipasen ed sikan manoley tan huis mi?

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!