Lucas 20:10 - Maung A Balita Biblia

¹⁰ Nen asabiy panaon a panagborbor na ubas, imbaki ton miapag ed saray kasamak so sakey ya aripen to. Balet pinepekpek da, insan da pinapawil a kalimalima.

Maung a Balita Biblia

¹⁰ Nen asabiy panaon a panagborbor na ubas, imbaki ton miapag ed saray kasamak so sakey ya aripen to. Balet pinepekpek da, insan da pinapawil a kalimalima.

Lucas 20:10 Iomraidhean Croise

1 Saray Arari 22:24

Balet inasinggeran nen Sedekias si Micaya, tinampal to, tan kuanto, “Kapigan ya inmekal ed siak so ispiritu na Katawan, insan nansalita ed sika?”

2 Saray Arari 17:13

Angibakiy Katawan na saray managpulong tan saray propita to a mamasakbay ed Israel tan Juda. Onyay impaikuantod sikara: “Ikaindan yo ray maoges a kagagawa yo tan onur yo ray bilin kon walad Ganggan ya inter kod saray lalaki yo tan impasabik ed sikayo diad panamegley na saray aripen kon propita.”

1 Saray Awaran 19:4

Siningkat nen Hanun ira may imbaki nen David, nilabahasan to ray balbas da, pinotut to ya anggad tapi ray kawes da, insan to la ra pinapawil.

2 Saray Awaran 16:10

Lapud saya mapalaloy pasnuk nen Asa ed samay propita tan impagolung-golungan to. Diad sayan panaon met, ginapwan nen Asa a pinapairap iray arum a totoo.

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Nehemias 9:30

Piga-pigay taon ya inanosan mo ran pinapasakbayan. Impansasalitam iray propitam, balet nantelek-telekan iray totoom, kanyan inyabuloy mon nadakep na saray arum a bansa.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Jeremias 20:2

impapasiplatan to ak insan to ak impaigolunggulong ed abay na Puirta nen Benjamin diad Timplo.

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

Jeremias 5:24

Ag yon balut ninunot a pagalangan ak, anggaman a siak so mangiiter na oran ed tiagew tan say oran ed nepnep tan siak so mangiiter a tinaon na panaon na panagani.

Lucas 13:34

“Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Lucas 20:11

Angibaki lamet na sananey ya aripen, balet saray kasamak pinepekpek tan pinapabaingan da met, insan da pinapawil a kalima-lima.

Lucas 20:9

Insan sinalita nen Jesus yan alimbawa ed saray totoo, “Walay sakey a toon nantanem na saray ubas. Impaasikaso tod saray kasamak, tan linmad sananey a bansa a diman manayam a mabayag.

Juan 15:16

Ag yo ak pinili; pinili tan tinoro ta kayon onla tan mambungay maando. Diad ontan, iter na Ama so amin a bengatlan kerewen yod ngaran ko.

Saray Taga Roma 7:4

Ontan met, agagi, no say Ganggan so pantotongtongan inatey kayo la, ta kabyangan ki lay laman nen Cristo; tan mikakasakey ki lad sikato a pinaolid bilay, pian dakel iray nagawaan tayon maung a bengatlan nipaakar ed Dios.