Lucas 2:7 - Maung A Balita Biblia

⁷ Nananak na sakey a laki, a sikato so pangulowan ya anak to. Binalkut toy lamping imay ogaw, insan to imparokul ed sakey ya atotung, ta anggapoy pasen da ed abung a pundowan.

Maung a Balita Biblia

⁷ Nananak na sakey a laki, a sikato so pangulowan ya anak to. Binalkut toy lamping imay ogaw, insan to imparokul ed sakey ya atotung, ta anggapoy pasen da ed abung a pundowan.

Lucas 2:7 Iomraidhean Croise

Genesis 42:27

Diad pasen a nampalabasan day labi, nilokasan na sakey ed sikara so sako to, ta pakanen toy asno to, et nalmo tod tapew na kargay sako imay kuartan imbayar to.

Genesis 43:21

Nen ompapawil kami la, tinmonda kamin nampainawa, et nen nilokasan mi ray sako mi, nalmoy balang sakey ed sikami so kuarta to. Natan, inawit mi ra dian ipawil ed sika.

Saray Salmo 22:6

Balet aliwa ak lan sakey a too; sakey ak lan alumbayar, a balbalawen tan pabpabaingan na saray totoo!

Exodo 4:24

Diad pasen a panagkampowan nen mamapaarap ed Egipto si Moises, say Katawan inabet to tan papateyen to.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Mateo 1:25

balet ag to inakdulan ya anggad impangyanak nen Maria na ogaw a laki. Jesus so inngaran nen Jose ed sayan ogaw.

Mateo 13:55

Aliwa tan sikato ya may anak na karpintiro? Aliwa tan manngaray Maria so ina to, tan di Santiago, Jose, Simon, tan Judas iray agagi to?

Mateo 8:20

Inmebat si Jesus, “Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.”

Lucas 10:34

Inasinggeran to, kinalboan toy larak tan alak iray sugat to, tan binerber to ra. Insan pinakabayo tod dilin ayep to; inawit tod abung a pundowan, tan diman to inasikaso.

Lucas 2:6

tan nen wadman irad Betlehem, asabian lad may pananak.

Lucas 2:8

Walad saman a pasen iray pumapastol a mampupuyat, ta babantayan dad alog iray karniro ra.

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

TAGA GALACIA 4:4

Balet nen nagnap lay panaon, say Dios imbaki toy Anak to. Inyanak na sakey a bii, tan nambilay ed silong na Ganggan,