Lucas 2:37 - Maung A Balita Biblia

³⁷ insan abalo, tan natan walomplo tan apat taon to lan abalo. Ag la onaalis ed Timplo, tan agew-labin igagalang toy Dios diad panamegley na panaayuno tan pampipikasi to.

Maung a Balita Biblia

³⁷ insan abalo, tan natan walomplo tan apat taon to lan abalo. Ag la onaalis ed Timplo, tan agew-labin igagalang toy Dios diad panamegley na panaayuno tan pampipikasi to.

Lucas 2:37 Iomraidhean Croise

Saray Salmo 22:2

Tatawagen ta ka no agew, Dios ko, balet ag mo ak eebatan; Tatawagen ta ka no labi, balet ag ak nainawaan.

Saray Salmo 23:6

Andi-saew a say kaabigan mo tan say panangarom et mansiansiad siak legan kon mambibilay; tan ando lan ando a manayam ak ed abung mo.

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

Saray Salmo 84:10

Say sanagew a panayam ed Timplom et magmaung ni nen say sanlibon agew a panayam ed arum a pasen; labay ko niy manalagey ed puirtay abung na Dios ko, nen say manayam ed tulda na saray totoon maoges.

Saray Salmo 84:4

Agaylay liket da ray manaayam ed abung mo, mankakanta ran naynay na pangidayew dad sika!

Saray Salmo 92:13

Singa ra kiew ya intanem ed abung na Katawan, ya onsasalumpapak ed Timplo na Dios tayo;

Exodo 38:8

Nanggawa na gansan talyasi a panagorasan tan say gansan ansagan to. Say inkana tod impanggawad saraya et saray gansan ispiho na saray bibiin nanlilingkur ed lolooban na Tuldan Ayamay Katawan.

Lucas 5:33

Wala ray angibagad kinen Jesus, “Saray disipulo nen Juan mabetbet iran manayuno tan mampikasi; ontan da met iray disipulo na saray Pariseo. Balet andi-tonda so paniinom tan pangakan da ray disipulom.”

Saray Gawgawa 13:3

Nanayuno tan nampikasi ra, intatapew da ray lima ra ed saramay duara, insan da ra pinasiput.

Saray Gawgawa 14:23

Diad balang iglisian nila ra, nampili ray mamatakken ya onsalat ed sikara a mangasikaso. Kasumpal dan mampikasi tan manayuno, ipia da rad Katawan ya anisiaan da.

Saray Gawgawa 26:7

Sayan sipan iilaloan met a nagamuran na saray labinduan tribu na totoo mi, legan dan mangigagalang a masimsimoon ed Dios, agew may labi. Lapu met ed sayan ilalo. Arin Agripa, aakusaen ak na saray Judio!

1 Timoteo 5:5

Say tuan balo et say biin mambukbukor lad bilay to. Say Dios labat so kawalaay ilalo to, tan agew-labin itutuloy toy mampikasi tan mankerew.

Puyan 3:12

Say manalo pagmaliwen kon sakey a lusek ed timploy Dios ko, tan ag to lan balut taynan. Imarkak ed sikatoy ngaran na Dios ko, tan say ngaray siudad na Dios ko, salanti say balon Jerusalem ya onakseb a manlapud tawen tan manlapud Dios ko. Imarkak met ed sikatoy balon ngaran ko.

Puyan 7:15

Sikato yay makasengeg no akin et wala rad arap na trono na Dios tan agew-labin manlilingkur irad sikato diad timplo to. Samay akayorung ed trono so mangasikasod sikara, diad panamegley na kiwawala to.

1 Samuel 2:2

“Anggapoy masanto a singa say Katawan; anggapoy miparad sikato, anggapoy manangyagel a singa say Dios tayo.