Lucas 2:33 - Maung A Balita Biblia

³³ Mankelaw ira may ama tan ina na ogaw ed imbaga nen Simeon nipaakar ed sikato.

Maung a Balita Biblia

³³ Mankelaw ira may ama tan ina na ogaw ed imbaga nen Simeon nipaakar ed sikato.

Lucas 2:33 Iomraidhean Croise

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.

Mateo 12:46

Mansasalita niy Jesus nen sinmabiy ina to tan saray agagi ton lalaki. Nanalagar irad arapay abung, ta labay dan pitongtongay Jesus.

Mateo 8:10

Mankelaw si Jesus nen nadngel to ya. Inkuantod saray totoon manomtombuk ed sikato, “Kuankod sikayo: ag ko ni akarumog na singa onyan pananisiay too, ya anggan diad Israel.

Lucas 2:18

tan mankelaw iray amin ya akadngel ed sayan tinongtong da.

Lucas 2:48

Mankelaw met iray atateng to nen anengneng da. Inkuanen ina to, “Anak, akin et onyay ginawam ed sikami? Mapalaloy pagpaga mi nen amam diad panaanap mid sika.”

Lucas 20:26

Diad arap na totoo, ag dan balut naerel si Jesus ed panagsalita to. Mankelaw irad ebat to, kanyan ag la ra inmesel.

Lucas 9:43

Mankelaw ya amin iray totoo ed pakapanyariy Dios. Pankelkelawan niy totoo so amin a gagawaen nen Jesus nen inkuantod saray disipulo to,