Lucas 19:8 - Maung A Balita Biblia

⁸ Inmalagey si Zaqueo tan inkuantod Katawan, “Iter koy kapalduay kayaryan ko ed saray mairap-bilay, Katawan; tan no wala bilang so sinaol ko, mamipat a karakel so ipawil ko.”

Maung a Balita Biblia

⁸ Inmalagey si Zaqueo tan inkuantod Katawan, Iter koy kapalduay kayaryan ko ed saray mairap-bilay, Katawan; tan no wala bilang so sinaol ko, mamipat a karakel so ipawil ko.

Lucas 19:8 Iomraidhean Croise

2 Samuel 12:6

Nepeg ton bayaran na mamipat a karakel so inala to, lapud sayan andi-panangasin ginawa to.”

Saray Salmo 41:1

Maliket iray totoon maaro ed saray mairap-bilay; tulongan ira na Katawan no nagugunigon ira.

Exodo 20:16

“Ag ka mantitila no mantasi ka sumpad kaparam a too.

Probirbio 6:31

balet no narel, ipawil ton mamimpitoy karakel imay tinakew to—iter toy amin a kayaryan to.

Ezekiel 33:15

singa bilang ipawil toy impotika na akautang ed sikato odino ipawil toy tinakew to—no ontondan mankasalanan tan onuren to ray ganggan a mangiter na bilay, sikatoy ag ompatey no ag ingen mambilay.

Saray Bilang 5:7

nepeg ton ipatuay kasalanan to tan mambayar ed toon nanggawaan toy maoges tan pasolukan to na kakalima.

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Lucas 12:33

Ilako yo ray kayaryan yo, tan mangiter kayod saray mairap-bilay na nanlakoan yo. Manggawa kayo ray pitakan ag ondaan, tan mantipon kayo na kayamanan yo ed tawen yo, ta ag nabawasan diman, ag natakew, tan ag naderal na bokbok.

Lucas 16:9

Intuloy nen Jesus so pansasalita to, “Kanyan kuankod sikayo ya ikana yod pikakaaro so kayamanan na sayan mundo, ta pian anggan naoput la yan kayamanan et maliket kayon naawat ed anggan ya ayaman.

Lucas 19:7

Amin ya akaimatun ed saya ngoro-ngoro ra tan inkuanda, “Pasasangkaili ed sakey a toon makasalanan!”

Lucas 7:13

Nen anengneng na Katawan imay ina na inatey akasian to, kanyan inkuanto, “Ag ka onaakis.”

Lucas 7:19

tan imbaki to rad Katawan a manepet, “Sika may aalagden min onsabi, o manalagar kami niy sananey?”

1 Samuel 12:3

Nia ak natan ya akatalindeg ed arap yo. No walay ginawak a makapoy, akusa yo ak natan ed arap na Katawan tan diad arap na pinili ton ari. Walay inalak a bakan kayaryan na arum o asnon kayaryan na arum? Sinaol o pinairap koy siopaman? Angawat ak na pasoksok ed siopaman, kanyan nambulag-bulagan ak? No walay ginawak ed saraya, ipawil koy inalak.”