Lucas 19:12 - Maung A Balita Biblia

¹² Inkuanto, “Wala nen saman so sakey a toon matalonggaring a linmad sananey a bansa ta gawaen dan ari, insan lad satan ompawil.

Maung a Balita Biblia

¹² Inkuanto, Wala nen saman so sakey a toon matalonggaring a linmad sananey a bansa ta gawaen dan ari, insan lad satan ompawil.

Lucas 19:12 Iomraidhean Croise

Mateo 21:38

Kanengneng balet na saramay kasamak ed samay anak, nantotongtong ira. Inkuanda, ‘Nitan lay mananawir na kaubasan. Pateyen tayo, pian kayaryan ti lay kaubasan!’

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Marcos 12:1

Insan nansalitay Jesus ed sikara diad panamegley na saray alimbawa. Inkuanto, “Walay sakey a toon nantanem na saray ubas. Inalar to tan nanggaway panagpespesan na saray ubas. Amaalagey met na atagey a panagbantayan. Impaasikaso tod saray kasamak, insan linma ed sananey a bansa.

Marcos 16:19

Kasumpal ya akisalitay Katawan a Jesus ed sikara, niatagey ed tawen tan inmirung ed nikawanan na Dios.

Lucas 20:9

Insan sinalita nen Jesus yan alimbawa ed saray totoo, “Walay sakey a toon nantanem na saray ubas. Impaasikaso tod saray kasamak, tan linmad sananey a bansa a diman manayam a mabayag.

Lucas 24:51

Nen bibindisionan to ra, tinaynan to ra tan niatagey ed tawen.

Juan 18:37

Tinepet nen Pilato, “No ontan sirin, sakey kan ari?” Inmebat si Jesus, “Ibabagam la a sakey ak ya ari. Say makasengeg no akin et nianak tan linma ak ed sayan mundo et say pantasik ed katwaan. Siopamay walad katwaan ondengel ed siak.”

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

1 CORINTO 15:25

Ta nakaukolan a manariy Cristo, anggad say Dios napasuko tod sikato ray amin a kalaban.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

1 Pedro 3:22

a linmad tawen tan manyodyorung ed nikawanay Dios. Manooley diman ed saray anghil, tan saray mangatatawen a pakayari tan pakaoley.

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.