Lucas 18:32 - Maung A Balita Biblia

³² Niawat ed saray Hintil tan ludlureyen, pagpaogesen, tan luklukdaan da.

Maung a Balita Biblia

³² Niawat ed saray Hintil tan ludlureyen, pagpaogesen, tan luklukdaan da.

Lucas 18:32 Iomraidhean Croise

Isaias 50:6

Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak.

Isaias 52:14

Amayamay iray atalagnaw nen anengneng day aripen ko; asugat-sugat so intiron laman to kanyan singa aliwa lan tooy nengneng to.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Mikias 5:1

Sikayo ran totood Jerusalem, pantitipon yo ray sondalo yo! Aliktub itayo la! Dodogpaan da ray pangulo na Israel!

Mateo 16:21

Nanlapud saman, ginapoan ya imbaga nen Jesus a nakaukolan ya onla ed Jerusalem tan pairapen na saray mamatakken na baley, saray manonan papari, tan saray iskriba. Papatey da, balet onolid bilay diad kumatlon agew.

Mateo 20:19

insan da ipalima ed saray Hintil. Ludlureyen da, lewet-leweten da, insan da ipasak ed krus. Balet onolid bilay diad kumatlon agew.”

Mateo 22:6

Saray arum sinisingkat da ni ra may aripen, pinapabaingan da ra, insan da ni ra pinapatey.

Mateo 26:67

Insan da niluklukdaay lupa to, tan kinakabil da. Inkuanda ray nantatampal ed sikato.

Mateo 27:2

Binalur day Jesus, insan da inyakar ed kinen Pilato a gobirnador.

Marcos 14:65

Ginapoan na saray arum a nilulukdaan si Jesus tan pinerengan da. Kinakabil da tan kuanda, “Ibagam pa no siopay angabil ed sika?” Inala na saray guardia, insan da met tinatampal.

Marcos 15:1

Kasabiy kabwasan, nantitipon a namplano ray manonan papari, saray mamatakken na baley, saray iskriba, tan saray arum ni ran kabyangay Sanidrin. Binalur day Jesus, insan da inyakar ed kinen Pilato.

Lucas 18:33

Lewet-leweten da, insan da pateyen, balet onolid bilay diad kumatlon agew.”

Lucas 23:1

Inmalagey iran amin, insan da inyakar si Jesus ed kinen Pilato.

Lucas 23:11

Si Herodes tan saray sondalo to niludlurey tan pinapabaingan day Jesus. Sinolungan day marakep a kawes, insan da impawil ed kinen Pilato.

Lucas 23:35

Manalalagey iray totood man tan bambantayan day Jesus; balet saramay opisyal na baley niludlurey da. Inkuanda, “Inlaban to ray arum. Ilaban to met komuy laman ton dili, no tuan sikatoy Cristo a piniliy Dios!”

Juan 18:22

Kapangibaga nen Jesus ed saya, tinampal na sakey ed saray guardian wadman. “Akin et ontay kakaebat mod Pangulon Pari?” tinepet to.

Juan 18:28

Nanlapud abung nen Caifas, inyakar day Jesus ed palasioy gobirnador. Kabkabwasan ed saman. Ag linmoob iray Judio ed palasio, pian ag ira nipasen a marotak, et makana ran mangay pandem a Paskua.

Juan 18:30

Inmebat ira, “No anggapoy maoges a ginawa to yan too, ag mi komun inyakar ed sika.”

Juan 18:32

(Agawa ya pian nasumpal so imbaga nen Jesus nipaakar ed klasiy ipatey to.)

Juan 18:35

Inmebat si Pilato, “Judio ak ta? Saray kabaleyan mo tan saray manonan pari so angiparontal ed sikad siak. Anto tay ginawam a?”

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Saray Gawgawa 3:13

Say Dios di Abraham, Isaac, tan Jacob, say Dios na saray lalaki tayo so angiter na sankatageyan a kagalangan ed Aripen ton si Jesus. Balet impalima yod saray manoley tan ag yo binirbir ed arap nen Pilato, anggaman a labay to la komun ya ibolus.