Lucas 18:14 - Maung A Balita Biblia

¹⁴ Kuankod sikayo a sayan too sinmempet ya apirdona ray kasalanan to; balet samay Pariseo, andi. Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Maung a Balita Biblia

¹⁴ Kuankod sikayo a sayan too sinmempet ya apirdona ray kasalanan to; balet samay Pariseo, andi. Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.

Lucas 18:14 Iomraidhean Croise

Say Libro nen Job 22:29

Paabebaen na Dios iray mapaatagey tan iyagel to ray mapaabeba.

Say Libro nen Job 25:4

Panon a magmaliw a matonung o malinis ed arap na Dios so sakey a too?

Say Libro nen Job 9:20

Anggapoy kasalanan ko tan pakabalawan ed siak, balet diad saray salik singa ak nankasalanan; amin ya ibabagak singa mamapaneknek a nankasalanan ak.

Saray Salmo 138:6

Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

Saray Salmo 143:2

Ag mo ak pa sisintinsiaan ya aripen mo; anggapoy toon matonung ed arap mo.

Exodo 18:11

Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.”

Probirbio 15:33

Say pangigalang ed Katawan et sakey a pakaaralan. Nepeg a mampaabeba ka kasakbayan a napagalangan ka.

Probirbio 18:12

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.

Probirbio 25:7

Magmaung nin nakerew ed sika ya onatagey kad kipapasen mo nen say nibagad sika ya iter moy kipapasen mo ed sakey a toon matalona nen sika.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Probirbio 3:34

Balbalawen to ray mapaatagey, balet mangiiter na pankaabigan da ray mapaabeba.

Ecclesiastes 9:7

Sigi labat—akan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo.

Isaias 45:25

Siak, say Katawan, ilaban ko ray amin a kabyangan na boleg nen Jacob, et idayew da ak.

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Habacuc 2:4

Et sikato ya so kuanko: ‘Saray maoges a totoo et ag ira makapaliis ed patey, balet saray matonung mambilay ira lapud matoor ira ed Dios.’”

Mateo 23:12

Say toon mampaatagey ed laman ton dili, napaabeba; say toon mampaabeba, napaatagey.”

Mateo 5:3

“Maliket iray mamibirbir na pankaukolan dad maispiritu ran bengatla, ta kayaryan day Panarian na tawen!

Lucas 1:52

Tinumba to ray makapanyarin ari ed trono ra, tan intanduro to ray mapaabeba.

Lucas 10:29

Balet labay to may makabat ed Ganggan a bawiey kagalangan to, kanyan tinepet tod kinen Jesus, “Siopay kaabay ko?”

Lucas 14:11

Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Lucas 16:15

Inkuanen Jesus ed sikara, “Mansimpisimpitan kayod arap na totoo, balet amtay Dios so kipapasen da ray puso yo. Ta say ipapasen a makanakana na too, anggapoy kana tod Dios.

Saray Taga Roma 3:20

Ta anggapoy toon nibilang a matonung ed arap na Dios diad panamegley na panangonur toy ibabagay Ganggan. Say gagawaey Ganggan et say pangipapaamta to a nankasalanan so too.

Saray Taga Roma 4:5

Balet say toon ag mankimey, no ag ta manisiad Dios a manamaandiy kasalanan da ray makasalanan, paandien na Dios iray kasalanan to lapud pananisia to.

Saray Taga Roma 5:1

Natan ta apaandi la ray kasalanan tayod arap na Dios lapud pananisia, wala lay kareenan tid Dios diad panamegley nen Jesu-Cristo.

Saray Taga Roma 8:33

Siopay mangakusad saray totoon pinili na Dios, anta say Dios so amaandiy kasalanan da?

TAGA GALACIA 2:16

sian-sian amta min napaandiy kasalanan na too ed arap na Dios diad panamegley na pananisiad Jesu-Cristo, aliwan diad panamegley na panangonur na ibabagay Ganggan. Sikami met anisia kamid Cristo Jesus, pian napaandi so kasalanan mid arap na Dios diad panamegley na pananisiad Cristo, aliwan diad panamegley na panangonur na ibabagay Ganggan. Ta anggapoy toon napaandiy kasalanan tod arap na Dios diad panamegley na panangonur to na ibabagay Ganggan.

Santiago 4:10

Mampaabeba kayod arap na Katawan et itanduro to kayo.

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”

1 Samuel 1:18

“Maabig lawas komun so linawa yod siak,” ebat nen Ana. Tinmaynan la, angan, tan nakal lay ermen to.