Lucas 18:13 - Maung A Balita Biblia

¹³ Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, ‘O Dios, kasian mo ak pa a makasalanan!’

Maung a Balita Biblia

¹³ Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, O Dios, kasian mo ak pa a makasalanan!

Lucas 18:13 Iomraidhean Croise

2 Samuel 12:13

“Nankasalanan ak ed Katawan,” kuanen David ed kinen Natan. Inmebat si Natan, “Pinirdona ka na Katawan; ag ka ompatey.

2 Saray Awaran 33:19

Say pikakasi na ari tan say ebat na Dios ed sayan pikakasi, saray ginagawa ton kasalanan tan kaogsan kasakbayan a nagbabawi—saray ginagawa ton pasen a panangigalangan na saray pagano tan saray tanda na diosan Asera, tan saray talintaoy diriyos ya inggagalang to et nikorit iran amin ed Say Awaran da ray Propita.

2 Saray Awaran 33:23

Balet ag to inalig si ama ton nampaabeba tan inmasingger ed Katawan; mapalalo niy ginagawa ton kaogsan nen si ama to.

Esdras 9:6

Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Saray Salmo 106:6

Nankakasalanan kami, a singa ginawa da ray lalaki mi; nanggagawa kamiy kaogsan tan kabaglan.

Saray Salmo 119:41

Katawan, ipanengneng mo pad siak so ontan lan panangarom, tan ilaban mo ak onung na insipan mo.

Saray Salmo 130:7

Israel, manmatalek kad Katawan, ta ag mangomay panangaro to tan sipaparaan lawas a mangilaban.

Saray Salmo 25:11

Sumpal mo pay sipan mo, Katawan, tan pirdonam pa ray kasalanan ko, ta amayamay la ra.

Saray Salmo 25:7

Pirdonam pa ray kasalanan tan saray lingok nen wala ak nid kalangweran. Lapud ag mangoman a panangarom tan kaabigan mo, Katawan, nunot mo ak pa!

Saray Salmo 40:12

Aliber ak na amayamay a gunigon—diad karakel da, ag ko ra nabilang! Tinabunan ak na saray kasalanan ko, kanyan ag ak la makanengneng; dakel ira nen say buek na olok, et nakal so biskeg na linawak.

Saray Salmo 41:4

Inkuanko, “Katawan, nankasalanan ak ed sika; kasian mo ak pa tan paabig mo ak.”

Exodo 33:10

No anengneng la na saray totoo so lusek a lorem dimad lolooban na samay Tulda, ondakmomo ran mangigalang ed Katawan.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Daniel 9:5

“Nankasalanan kami, maoges kami, makapoy iray ginagawa mi. Sinumlang tan impolisay mi ray ganggan mo tan saray bilin mod sikami.

Mateo 10:3

si Felipe tan si Bartolome; si Tomas, tan si Mateo a sumisingil na buis; si Santiago ya anak nen Alfeo, tan si Tadeo; si Simon a Patriota, tan

Mateo 6:5

“No mampikasi kayo, ag kayo mialalig ed saray mansimpisimpitan a totoo. Labalabay day akaalagey a mampikasi diad saray sinagoga tan suysuyok na dalan, pian nanengneng iray amin a totoo. Tandaan yo ya! Naawat da lay tumang da.

Mateo 9:13

Laki la tan aral yoy kabaliksan na sayan ibabagay Masanton sulat: ‘Say panangasi so labay ko, aliwan say pangibagat na ayayep.’ Ag ak dia linman manawag ed saray matonung, no ag ingen linma ak dian manawag ed saray makasalanan.”

Marcos 11:25

No onalagey kayon mampikasi, pirdona yo ray nankasalanan ed sikayo, pian pirdonaen met na Ama yon walad tawen iray kasalanan yo.”

Lucas 17:12

Nen onloloob ed sakey a bario, inabet na samploran totoo ya akating. Nanalagey irad arawdawi

Lucas 22:41

Insan inmarawiy daiset. Nantalimukor diman tan nampikasi.

Lucas 23:48

Sayan agawa naimatunan na amin da ra may dinmagop a nambantay, tan sinmempet iran tapuk-tapuken day kapagewan da.

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”

Saray Gawgawa 2:37

Nen nadngel ya na saray totoo, agunigon ira, tan tinepet dad kinen Pedro tan saray arum ya apostol, “Agagi, antoy nepeg min gawaen?”

Saray Taga Roma 5:8

Balet impanengneng na Dios so ontan lan panangaro tod sikatayo, ta nen makasalanan itayo ni, si Cristo inatey para sikatayo.

2 CORINTO 7:11

Nengneng yo no antoy ginawad bilay yo na sayan ermen a nanlapud Dios: nagmaliw kin maseet, tan mapeleng kayon mangipapanengneng ya anggapoy kasalanan yo nipaakar ed saraman a bengatla. Saman ya impanpasnuk yo, saman ya inkapagaan yo, saman a liknaan yo, saman a panangaro yo, saman ya inkaparaan yon manusa ed makapoy a gawa! Impanengneng yon ag ki nankasalanan ed saraman a bengatla.

1 Timoteo 1:15

Niay sakey a katwaan a nepeg ya awaten tan sisiaen na amin: linma diad mundo si Cristo Jesus a mangilaban ed saray makasalanan. Siak so sankaogsan ed sikara,

Saray Hebreo 4:16

Kanyan pakpelen tayoy linawa tayo ya onsingger ed tronoy mapangasin Dios, pian naawat tayoy panangasi tan baleg a panangaroy Dios; sikara yay ontulong ed sikatayo no oras na pankaukolan.

Saray Hebreo 8:12

Pirdonaen ko ray kasalanan da tan ag ko la nunoten iray ginagawa ran kaogsan.”