Lucas 18:11 - Maung A Balita Biblia

¹¹ Samay Pariseo binmiig tan nanalagey a mampikasi, ‘Misalamat ak ed sika, O Dios, ta aliwa ak a singa saray arum a totoon maagum, masaol, tan mikakaloguran. Misalamat ak, ta aliwa ak a singa saman a sumisingil na buis.

Maung a Balita Biblia

¹¹ Samay Pariseo binmiig tan nanalagey a mampikasi, Misalamat ak ed sika, O Dios, ta aliwa ak a singa saray arum a totoon maagum, masaol, tan mikakaloguran. Misalamat ak, ta aliwa ak a singa saman a sumisingil na buis.

Lucas 18:11 Iomraidhean Croise

Saray Salmo 134:1

Dago kayo, ta idayew yoy Katawan, amin yon aripen to, amin a manlilingkur ed Timplo to no labi.

Saray Salmo 135:2

a manalalagey ed abung na Katawan, diad Timplo na Dios tayo.

Probirbio 20:6

Sasalitaen na balang sakey no panoy inkatoor to, balet salim ya anapen no siopay tuan matoor!

Probirbio 30:12

Wala ray totoon ipapasen dan malinis so kabibilay da, balet diad tuay ontan lay inkarotak da.

Isaias 1:15

“Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Isaias 58:2

Inagew-agew da ak ya igagalang, tan ibabaga ra a maseet iran mangaamta na linawak tan mangoonur na saray ganggan ko. Kekerewen dad siak ya itdan ko ray matonung iran ganggan tan maliket ira konon mangigagalang ed siak.”

Isaias 65:5

Insan da kukuan ed saray arum a totoo, ‘Arawi kayod sikami, ag yo kami nayarin diwiten lapud masansanto kami!’ Ag ko naanosan ira yan totoo—singa apoy ya ag naerep so pasnuk kod sikara.

Jeremias 2:28

“Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Jeremias 2:35

kuanmo, ‘Anggapoy kasalanan ko; andi-saew ya ag la mamapasnuk so Katawan ed siak.’ Balet siak, say Katawan, dusaen ta ka lapud ag mo birbiren a nankasalanan ka.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Mateo 10:3

si Felipe tan si Bartolome; si Tomas, tan si Mateo a sumisingil na buis; si Santiago ya anak nen Alfeo, tan si Tadeo; si Simon a Patriota, tan

Mateo 5:20

Ipurek kod sikayo: no say panumpal yoy linaway Dios et ag ontalona ed panusumpal da ray iskriba tan saray Pariseo, ag kayon balut makaloob ed Panariay tawen.”

Mateo 6:5

“No mampikasi kayo, ag kayo mialalig ed saray mansimpisimpitan a totoo. Labalabay day akaalagey a mampikasi diad saray sinagoga tan suysuyok na dalan, pian nanengneng iray amin a totoo. Tandaan yo ya! Naawat da lay tumang da.

Marcos 11:25

No onalagey kayon mampikasi, pirdona yo ray nankasalanan ed sikayo, pian pirdonaen met na Ama yon walad tawen iray kasalanan yo.”

Lucas 20:47

Kakatkatan da ray balon bibii, insan mampikasi ray andorokey a panisimula rad gagawaen da. Lalon ombelat so dusa ra!”

Lucas 22:41

Insan inmarawiy daiset. Nantalimukor diman tan nampikasi.

TAGA GALACIA 3:10

Amin da ray manmamatalek ed panangonur ed Ganggan, wala rad silong na sakey a samba. Ta ibabagay Masanton Sulat, “Nisamba so balang sakey ya ag ononur ed amin a nisulat ed libro na Ganggan!”

FILIPOS 3:6

Tan lapud seseg ko, pinapairap koy iglisia. No nipaakar met ed pakapatonung na too, onung ed panangonur ed Ganggan, anggapoy pakabalawan ed siak.

Puyan 3:17

Ikuanmo, ‘Mayaman ak, tan duga ak ed amin a nakaukolan ko!’ Balet ag mo amtan maniirap tan pakaskasi ka! Mairap-bilay ka, anggapoy kawes mo, tan bulag ka.