Lucas 18:10 - Maung A Balita Biblia

¹⁰ “Walay duaran totoo a linmoob ed Timplo a mampikasi. Sakey so Pariseo, sakey so sumisingil na buis.

Maung a Balita Biblia

¹⁰ Walay duaran totoo a linmoob ed Timplo a mampikasi. Sakey so Pariseo, sakey so sumisingil na buis.

Lucas 18:10 Iomraidhean Croise

1 Saray Arari 10:5

Anengneng to ray niparongod lamisaan to, saray ayaman da ray opisyal to, say inkaoksuy da ray kumikimey ed palasio tan saray isosolung dan kawes, saray aripen a mansisirbid sikato no pista, tan saray isasaklang ton bagat ed dalem na Timplo. Mapalaloy pankelaw to diad impakanengneng tod sarayan amin.

1 Saray Arari 8:30

Dengel mo pa ray pikakasik tan saray pikakasi na saray totoom no mampikasi ran akaarap ed sayan Timplo. Diad ayaman mon tawen, dengel mo kami pa tan pirdona mo kami.

2 Saray Arari 20:5

ya ompawil ed kinen Ezekias, say manoley na totoo na Katawan, ta ikuantod sikato, “Say Katawan kuantod sika: Siak, say Katawan a Dios na lakim a David, et nadngel koy pikakasim tan anengneng koy interter na luam. Paabigen ta ka, tan diad kumatlon agew onla kad Timplo.

2 Saray Arari 20:8

Tinepet nen Ari Ezekias, “Antoy pakapatnagan a paabigen ak na Katawan tan diad kumatlon agew et makakar ak ed Timplo?”

Mateo 10:3

si Felipe tan si Bartolome; si Tomas, tan si Mateo a sumisingil na buis; si Santiago ya anak nen Alfeo, tan si Tadeo; si Simon a Patriota, tan

Lucas 19:46

Inkuantod sikara, “Ibabagay Masanton Sulat a kuay Dios, ‘Say abung ko natawag ya abung a panagpikasiyan!’ Balet ginawa yon ayaman da ray matatakew!”

Saray Gawgawa 26:5

Kabat da lan nanlapud gapo, tan napaneknekan da no labay da, a nambilay ak a sakey a kabyangan na sankapegetan a moyungan na rilihion mi, say moyungan da ray Pariseo.

Saray Gawgawa 3:1

Nen aminsan ya alas tris ed ngarem, say oras na panagpikasi, linma ra di Pedro tan Juan ed Timplo.

FILIPOS 3:5

Asegat ak nen kumawalon agew na inkianak ko. Talagan Israelita ak, nanlapu ak ed boleg nen Benjamin, tan nianak ak a Hebreo. No nipaakar ed pananumpal na ganggan so pantotongtongan, sakey ak a Pariseo.