Lucas 17:6 - Maung A Balita Biblia

⁶ Inmebat so Katawan, “No walay pananisia yon singa kabaleg no bokel na mustasa, nibaga yod sayan kiew a sikomoro, ‘Nabagut ka komun tan nitanem kad dayat!’ et onuren to kayo.”

Maung a Balita Biblia

⁶ Inmebat so Katawan, No walay pananisia yon singa kabaleg no bokel na mustasa, nibaga yod sayan kiew a sikomoro, Nabagut ka komun tan nitanem kad dayat! et onuren to kayo.

Lucas 17:6 Iomraidhean Croise

Mateo 14:29

“Gala dia,” ebat nen Jesus. Kanyan linmeksab si Pedro ed danum, tan ginapoan toy manakar a mamaarap ed kinen Jesus.

Mateo 17:20

Inmebat si Jesus, “On, ta kulang so pananisia yo. Tandaan yo ya! No walay pananisia yon anggan singa kamelag na bokel na mustasa, nayarian yon ibagad sayan palandey ya onalis, et onalis a tua. Anggapoy ag yo nagawaan!”

Mateo 21:21

Inmebat si Jesus, “Tandaan yo ya! No manisia kayo tan anggapoy duaruwa yo, nayarian yon gawaen so ginawak ed sayan igos. Aliwan satan labat, nayarian yo nin ibagad sayan palandey, ‘Alis kad tan, tabuy kad dayat,’ et nagaway imbaga yo.

Marcos 4:31

Say Panariay Dios aliling toy bokel na mustasa, a sankamelagan a bokel diad tapew na dalin.

Marcos 9:23

Inkuanen Jesus, “On, no sikan dili et nayarian mo! Siopamay manisia, nayarian ton gawaey amin a bengatla.”

Lucas 13:19

Aliling toy bokel na mustasa ya intanem na sakey a too ed tanamanan to. Tinmubo tan binmaleg a sakey a kiew, tan saray manok ed tagey nanoobung irad saray sanga-sanga to.”

Lucas 17:7

“No bilbilang ta walay aripen yo a mambabaka o mampapastol na karniro, et onsabin nanlapud alog, tawagen yo kasin tampol a mangan?

Lucas 19:4

Kanyan binmatik tan inonaan to ray totoo, insan kinmalab ed sakey a kiew a sikomoro pian nanengneng toy Jesus no ondalan diman.

Lucas 7:13

Nen anengneng na Katawan imay ina na inatey akasian to, kanyan inkuanto, “Ag ka onaakis.”

Lucas 7:19

tan imbaki to rad Katawan a manepet, “Sika may aalagden min onsabi, o manalagar kami niy sananey?”

1 CORINTO 13:2

Anggaman a naitdan ak na pakayarin mampulong na salitay Dios; anggaman a walad siak so kakabatan tan pakatalus ed amin da ray niamut a katwaan; anggaman a walay mabiskeg a pananisiak pian nayarian kon paekalen iray palandey ed kawalaan da, no anggapo balet so arok, anggapoy kakanaan kon too.