Lucas 17:12 - Maung A Balita Biblia

¹² Nen onloloob ed sakey a bario, inabet na samploran totoo ya akating. Nanalagey irad arawdawi

Maung a Balita Biblia

¹² Nen onloloob ed sakey a bario, inabet na samploran totoo ya akating. Nanalagey irad arawdawi

Lucas 17:12 Iomraidhean Croise

2 Saray Arari 5:27

Kanyan natan onalis ed sika may sakit nen Naaman, tan mansiansian sakiten na saray kabyangay boleg mo!” Kataynan nen Giezi, nagmaliw lan akating—singa kapotiy yilo so baog to.

2 Saray Arari 7:3

Walay apatiran lalakin akating a wala rad paway na saray puirta na siudad, tan kuandad sakey tan sakey, “Akin et manalagar tayo dia ya anggad ag tayo ipatey?

Exodo 4:7

Inkuan na Katawan lamet ed sikato, “Isoksok moy limam ed dalem na kawes mo.” Insoksok toy lima to, et nen inoyus to malinis lamet a singa arum a parti na laman to.

Saray Bilang 12:14

Inmebat so Katawan, “No sikatoy nilukdaan na ama to ed lupa, pitoy agew a nepeg a manakoy kababaingan. Kanyan papaway mon sakey simba ed kampo; kasumpal na satan a panaon nayari lan ipawil ed dalem na kampo.”

Lucas 18:13

Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, ‘O Dios, kasian mo ak pa a makasalanan!’

Lucas 5:12

Aminsan, nen si Jesus et walad sakey a baley, dinmagod sikatoy sakey a laki ya akating so intiron laman to. Kanengneng tod kinen Jesus, dinmakmomo tan akikasi. Inkuanto, “Katawan, no labay mo, napagmaliw mo ak a paabigen!”