Lucas 16:2 - Maung A Balita Biblia

² kanyan impatawag to. ‘Anto tay narerengelan kon nipaakar ed sika?’ inkuanto. ‘Mikuintaan ka lad siak, tan iter mo lan amiy listaan na impiak ed sikan kayaryan ko, ta ekalen ta ka lan inkargadok.’

Maung a Balita Biblia

² kanyan impatawag to. Anto tay narerengelan kon nipaakar ed sika? inkuanto. Mikuintaan ka lad siak, tan iter mo lan amiy listaan na impiak ed sikan kayaryan ko, ta ekalen ta ka lan inkargadok.

Lucas 16:2 Iomraidhean Croise

Ecclesiastes 12:14

Sintinsiaan na Dios ya amin iray gagawaen tayo, maung may makapoy, anggan saray ginagawa ed maamut.

Mateo 12:36

“Kuankod sikayo: no onsabiy Agew na Okum, ebatan na balang sakey so imbolus ton salita ya anggapoy kakanaan.

Mateo 20:8

“Nen onsisironget la, samay akankaubasan tinawag toy inkargado to tan inkuanto, ‘Tawag mo la ra may mankikimey tan iter moy upa ra. Igapom ed saray onur a nankimey ya anggad saray onaan.’

Lucas 12:20

Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

Lucas 12:42

Inmebat so Katawan, “Siopa sirin so napanmatalkan tan marunong ya aripen? Say aripen ya ipasen na amo to a mangasikasoy abung to, tan mangiter na kanen da ray kapara ton aripen diad manepeg ya oras.

Lucas 16:1

Inkuan met ni nen Jesus ed saray disipulo to, “Walay sakey a toon mayaman a walay inkargado to. Nidalem ed sikato a say kuarta to et dadarakey inkargado to,

Lucas 16:3

‘Anto kasiy gawaen ko?’ inkuantod kanunotan to may inkargado. ‘Ekalen ak lay amok ed trabaho, et ag nayariay laman koy mankotkot na dalin tan ambaing ak a mipayabol.

Saray Taga Roma 14:12

Ebatan sirin na balang sakey ed sikatayo so sikaton dili ed arap na Dios.

1 CORINTO 1:11

Ta, agagik, imbalitad siak na saray totoo nen Cloe a wala rad sikayoy mankokolkol.

1 CORINTO 4:2

Nakaukolan a matoor ed amo to so toon managasikaso.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

2 CORINTO 5:10

Ta onarap tin amin ed panagsintinsiaan nen Cristo. Balang sakey ed sikatayod satan mangawat na kanepegan to, onung ed ginagawa to, maung o maoges, diad sayan bilay.

1 Timoteo 4:14

Ag mo papaolyay maispiritun langkap a walad sika, a niiter ed sika nen nansasalita ray propita tan intapew na mamatakken ed sika iray lima ra.

1 Timoteo 5:24

Mabatabatar a nengnengen iray kasalanan na saray arum, tan makakaona ed sintinsia ray kasalanan da. Saray kasalanay arum balet, naonur a nakabatan.

1 Pedro 4:10

Singa maung a manangasikasoy nandoroman rigaloy Dios, nepeg ya ikana na balang sakey so langkap na Dios ed sikato a pankaabigay arum a totoo.

1 Pedro 4:5

Balet ebatan da ya ed Dios ya akaparaan a manintinsiad saray mabilay tan saray inatey.

Puyan 20:12

Anengneng ko met a manalalagey ed arap na trono iray inaatey, atagey man o abeba ed kipapasen. Alokasan iray libro, insan alokasan niy sakey a libro—say libro na bilay. Saray inaatey asintinsiaan ira onung ed saray ginagawa ra a nisulat ed saramay libro.