Lucas 16:16 - Maung A Balita Biblia

¹⁶ “Anggad kinen Juan a Managbinyag labat so kanay Ganggan nen Moises tan saray sulsulat da ray propita. Nanlapu lad saman, nipupulong so Maung a Balitan nipaakar ed Panariay Dios, tan gagawaen na totoo so anggaay nayarian da ya onloob.

Maung a Balita Biblia

¹⁶ Anggad kinen Juan a Managbinyag labat so kanay Ganggan nen Moises tan saray sulsulat da ray propita. Nanlapu lad saman, nipupulong so Maung a Balitan nipaakar ed Panariay Dios, tan gagawaen na totoo so anggaay nayarian da ya onloob.

Lucas 16:16 Iomraidhean Croise

Mateo 10:7

Ipulong yod sikara, ‘Asingger lay Panarian na tawen!’

Mateo 15:11

Aliwan say onloob no ag say ompaway ed sangiy too so mandotak ed sikato.”

Mateo 21:32

Ta linma diay Juan tan imbangat tod sikayoy maptek a panagbilay, et ag yo sinisia. Balet sinisia na saray sumisingil na buis tan saray marorotak a bibii. Anggaman a naimatunan yo ya, ag kayo nagbabawi tan anisiad sikato.”

Mateo 3:2

Inkuanto, “Magbabawi kayod saray kasalanan yo, ta asingger lay Panariay tawen!”

Mateo 4:17

Nanlapud saman, ginapoan nen Jesus so nampupulong. Inkuanto, “Pansibkelan yo la ray kasalanan yo, ta asingger lay Panarian na tawen!”

Mateo 4:23

Niliber nen Jesus so intiron Galilea a nambabangat ed saray sinagoga. Nampupulong na Maung a Balitan nipaakar ed Panarian, tan pinapaabig to met ya amin iray a totoon walay sasakiten tan liliknaen.

Marcos 1:14

Nen apriso lay Juan, linmay Jesus ed Galilea tan nampupulong na Maung a Balitan nanlapud Dios.

Marcos 1:45

Linma la may laki, balet imbabalita tod amin a pasen so agawad sikato. Diad karakel na angibalitaan to, si Jesus ag la makaonlan maparontal ed anggan anton baley. Nanaayam la sirin ed saray pasen ya ag natotoowan, tan diman la dinadagoy totoon nanlapud amin a lugar.

Lucas 10:11

‘Anggan say dabuk na baley yo a pinmepeket ed saray sali mi, ipagpag mi a tanday maoges a ginawa yo. Balet, tandaan yo ya, inmasingger lay Panariay Dios!’

Lucas 10:9

paabig yo ray mansasakit, tan ikuanyod saray totood man, ‘Inmasingger lad sikayo so Panariay Dios.’

Lucas 16:29

Balet inkuanen Abraham ed sikato, ‘Wala ra di Moises tan saray propita a mamasakbay ed sikara. Paolyan mo ray agagim ya ondengel ed sikara.’

Lucas 16:31

Balet kuanen Abraham, ‘No ag da dengelen si Moises tan saray propita, ag da met panisiaan so anggan toon naolid bilay.’”

Lucas 9:2

Insan to ra imbakin mangipulong na Panariay Dios tan mamaabig ed saray mansasakit.

Juan 1:45

Nalmo nen Felipe si Nataniel tan kuantod sikato, “Arumog miy Jesus a taga Nazaret ya anak nen Jose. Sikato may toon labay ya ibaga nen Moises ed insulat tod Ganggan, tan sikato met imay labay ya ibaga da ray propita.”

Juan 11:48

No palpaolyan tayo, manisia lan amin iray totoo ed sikato tan kabekta, onla ra diay taga Roma a maneral na Timplo tan say baley tayo!”

Juan 12:19

Inkuan sirin na saray Pariseo ed sakey tan sakey, “Anggapo lay nagawaan tayo! Nengneng yo, ontotombuk la ray amin a totood sikato!”

Saray Gawgawa 3:18

Balet diad sayan ginawa yo, sinumpal na Dios so abayag lan imbaga to, diad panamegley da ray propita, a manirap so Cristo to.