Lucas 15:30 - Maung A Balita Biblia

³⁰ Balet satan ya anak yo, dinarak to ray amin a kayaryan yo ed marorotak a bibii. Natan ta pinmawil, pinatey yoy pinataban bakan kilaw para sikato!’

Maung a Balita Biblia

³⁰ Balet satan ya anak yo, dinarak to ray amin a kayaryan yo ed marorotak a bibii. Natan ta pinmawil, pinatey yoy pinataban bakan kilaw para sikato!

Lucas 15:30 Iomraidhean Croise

Exodo 32:11

Balet si Moises akikasi ed Katawan a Dios to tan kuanto, “Katawan, akin et mapalaloy pasnuk mod saray totoom ya impaway mod Egipto diad panamegley na baleg a pakayarim tan biskeg mo?

Exodo 32:7

Say Katawan kuantod kinen Moises, “Ganatan moy onakseb, ta saray totoom ya impaway mod Egipto et nankasalanan ira tan impolisay da ak.

Probirbio 29:3

No pablien moy kakabatan ikinon ka na amam. Andi-kakanaan a panagdarak so panggastos ed saray bibiin marotak.

Marcos 12:44

Ta amin da ray arum angipelag ira labat na nasosolukan da balet sayan bii, anggan mairap so bilay to, inter to lan amin so walan pambilay to.”

Lucas 15:29

Balet inkuantod kinen ama to, ‘Nanlingkur ak a singa aripen ed sikayon piga-pigay taon. Anggapo niy ganggan yon sinumlang ko. Antoy inter yod siak? Anggapoy anggan kanding a panliliketan mi ray kakaarok!

Lucas 15:31

‘Anak ko,’ kuay ama, ‘wadya kan naynay ed abung tan kayaryan mo ray amin a kayaryan ko.

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Lucas 18:11

Samay Pariseo binmiig tan nanalagey a mampikasi, ‘Misalamat ak ed sika, O Dios, ta aliwa ak a singa saray arum a totoon maagum, masaol, tan mikakaloguran. Misalamat ak, ta aliwa ak a singa saman a sumisingil na buis.