Lucas 15:28 - Maung A Balita Biblia

²⁸ Diad pasnuk to may pangulowan, ag to onloob ed abung. Dinago nen ama to tan kinerew ton onloob la.

Maung a Balita Biblia

²⁸ Diad pasnuk to may pangulowan, ag to onloob ed abung. Dinago nen ama to tan kinerew ton onloob la.

Lucas 15:28 Iomraidhean Croise

Isaias 65:5

Insan da kukuan ed saray arum a totoo, ‘Arawi kayod sikami, ag yo kami nayarin diwiten lapud masansanto kami!’ Ag ko naanosan ira yan totoo—singa apoy ya ag naerep so pasnuk kod sikara.

Isaias 66:5

Dengel kayod ibabagay Katawan, sikayon walay takot ed sikato tan mangoonur ed sikato: “Lapud matoor kayod siak, pigaran totoo yo so mamobosul ed sikayo tan ipopolisay da kayo. Luludlureyen da kayo tan kuanda, ‘Ipanengneng komun na Katawan so inkatalonggaring to tan ilaban to kayo, pian nanengneng mi kayon manliket.’ Balet sikaran dili et napelag ed kababaingan.

Jeremias 35:16

Saray kabyangay boleg nen Jonadab inonur day ganggan na laki ra, balet sikayon totoo ag yo ak inonur.

Jonas 4:9

Balet inkuay Dios ed sikato, “Antoy kanepegan mon mampasnuk nipaakar ed samay tanaman?” Inmebat si Jonas, “On, walay kanepegan kon mampasnuk—mampasnuk ya anggan makasengeg la na ipatey ko!”

Mateo 20:11

Kapangawat da, nanriklamo rad samay ankankiey kaubasan.

Marcos 1:40

Walay sakey a lakin akating a linmad kinen Jesus, tinmalimukor ed arap to tan akikasi. Inkuanto, “No labay mo, nayarian mo ak a paabigen.”

Lucas 13:34

“Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Lucas 15:2

Balet ngoro-ngoro ray Pariseo tan saray iskriba tan inkuanda, “Sayan too aawaten to ray makasalanan tan mimikan nid sikara!”

Lucas 15:27

‘Pinmawil a mabilay imay agim tan anggapoy sakit,’ ebat to may katulong, ‘kanyan impapatey nen amam imay pinataban baka.’

Lucas 15:29

Balet inkuantod kinen ama to, ‘Nanlingkur ak a singa aripen ed sikayon piga-pigay taon. Anggapo niy ganggan yon sinumlang ko. Antoy inter yod siak? Anggapoy anggan kanding a panliliketan mi ray kakaarok!

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Lucas 5:30

Ngoro-ngoro ray Pariseo tan saray iskriban kabyangan da. Tinepet dad saray disipulo nen Jesus, “Akin et mangakan tan oniinom kayo a kaiba yo ray sumisingil na buis tan saray makasalanan?”

Lucas 7:39

Nen anengneng ya na samay Pariseon angimbita, inkuantod sikaton dili, “No tuan propita yan too, kabat to komun no siopa yan bii so mandiriwit ed sikato—sakey a makasalanan!”

Saray Gawgawa 13:45

Balet ontan lay pangimon da ray Judio nen anengneng dan amayamay so totoo, kanyan sinasangsang day ibabaga nen Pablo tan pinapaoges da ni.

Saray Gawgawa 13:50

Balet saray Judio sinogsogan dan mamairap ed kindi Pablo tan Bernabe iray matalonan bibii a mangigagalang ed Dios tan saray matalonggaring a lalakid saman a siudad, kanyan pinataynan da rad man.

Saray Gawgawa 14:19

Wala ray Judion sinmabid man a nanlapud Antiokia tan Iconio. Atanggoyur da ray totoo a pilaan da ra, kanyan tinutupak day Pablo, insan da inggagayugoy ed paway na baley, ta abaloan dan inatey la.

Saray Gawgawa 14:2

Balet saray aliwan mananisian Judio sinosogsogan da ray Hintil tan tinatanggoyur da ran mamosul ed saray agagi.

Saray Taga Roma 10:19

Tepeten ko pa ni: Ag ta atalusan na bansay Israel? Si Moises lay akaonan inmebat: “Pangimonen ta kayo ed saray totoon aliwa ni met a talagan bansa; Pasanuken ta kayo ed saray totoo na ag makatalus a bansa.”

2 CORINTO 5:20

Kanyan sikamiy ibabaki nen Cristo. Singa say Dios la sirin so mikakasid sikayo diad panamegley mi; pikasi mid sikayo, diad ngaran nen Cristo, ya abuloyan yoy Dios a pagmaliwen to ki lan kakaaro to!

1 TESALONICA 2:16

Labay da ni ingen a patondaen kami ed pangipupulong mid saray Hintil na Maung a Balitan kilabanan da. Napno da lay bayung na kasalanan, kanyan sinmabin siansiay pasnuk na Dios ed sikara!

1 Samuel 17:28

Si Eliab a sankapangulowanan a kuya nen David, nadngel toy David a mitotongtong ed saray totoo. Asanukan ed kinen David tan kuanto, “Antoy gagawaen mo dia? Siopay manaasikasod saray pigaran karniro diad kalawakan? Mamaung ka! Linma ka dia labat a mambantay ed bakal!”

1 Samuel 18:8

Ag ya labay nen Saul, tan pinmetang so olo to. Inkuanto, “Ibabaga ran asamplon liboy pinatey nen David, balet nilibo labat ed siak. Anggapo lay nagawan onsoblay no ag say panari to!”