Lucas 14:26 - Maung A Balita Biblia

²⁶ “Ag nayarin magmaliw a disipulok so sakey a toon ondagod siak, no say panangaro tod siak et ag ontalona ed panangaro tod ama tan say ina to, asawa tan saray anak to, agagi ton lalaki may bibii, tan say sikaton dili.

Maung a Balita Biblia

²⁶ Ag nayarin magmaliw a disipulok so sakey a toon ondagod siak, no say panangaro tod ama tan say ina to, asawa tan saray anak to, agagi ton lalaki may bibii, tan say sikaton dili.

Lucas 14:26 Iomraidhean Croise

Saray Salmo 139:22

Mapalalo so pamobosul kod sikara; ipapasen ko ran kalaban ko.

Saray Bilang 10:30

Inmebat si Hobab, “Ag ak la mila; ompawil ak lad dalin kon nianakan.”

Mateo 10:37

“Siopamay babaleg so panangaro tod ama o ina to nen say panangaro tod siak et ag manepeg ed siak. Ontan met, siopamay babaleg so panangaro tod anak ton laki o bii nen say panangaro tod siak, ag manepeg ed siak.

Lucas 14:20

Inkuay sakey met, ‘Kapankasal ak, kanyan ag ko makakar.’

Lucas 14:25

Dakerakel a totooy mimilad kinen Jesus. Inarap to ra tan inkuanto,

Juan 12:25

Say toon inaro toy bilay to naandid sikato, say too balet a mamosul ed bilay tod sayan mundo, mansiansiay bilay to ya anggad angga.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Taga Roma 9:13

Ontan met ibabaga ni na Masanton Sulat, “Si Jacob so inarok, tan si Esau so binosul ko.”

Deuteronomio 21:15

“Anto so gawaen no wala bilang so sakey a lakin duaray asawa to tan naanakan to ran dua na lalaki, balet say pangulowan et aliwan anak na biin labalabay to?

Deuteronomio 33:9

Impanengneng dan baleg so panangaro rad sika Nen say panangaro rad saray atateng, agagi, odino anak da. Inonur da ray ganggan mo Tan matoor irad impisipanan mod sikara.

FILIPOS 3:8

On, amin a bengatla et ipapasen kon adarak, ta nisulat la so lalon makana-kana, salanti say pakapikabat ed Cristo Jesus a Katawan ko. Lapud Cristo, imbantak ko lan amin iray bengatla; ipapasen ko lan singa dotak iray amin a bengatla, pian nagamuran ko labat si Cristo,

Puyan 12:11

Tinaloy agagi tayo so Diablo, diad panamegley na dala na Kordiro tan diad panamegley na impantasi rad katwaan; ag da kinawanay bilay da tan nilabay day anggan ompatey.