Lucas 14:21 - Maung A Balita Biblia

²¹ Pinmawil imay aripen tan imbaga to ra yan amin ed kinen amo to. Agaylay pasnuk to, tan inkuantod samay aripen to, ‘Lakad saray kalsada tan saray daladalan diad baley, tan itagar mo ra diay mairap-bilay, saray lopuy, saray bulag, tan saray piley!’

Maung a Balita Biblia

²¹ Pinmawil imay aripen tan imbaga to ra yan amin ed kinen amo to. Agaylay pasnuk to, tan inkuantod samay aripen to, Lakad saray kalsada tan saray daladalan diad baley, tan itagar mo ra diay mairap-bilay, saray lopuy, saray bulag, tan saray piley!

Lucas 14:21 Iomraidhean Croise

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Saray Salmo 38:7

Singa ak popoolan ed kapepetang ko, tan ngalngali ak la ompatey.

Isaias 35:6

Manlukson singa ulsa iray piley, tan mankantad liket iray emel. Onagos iray kolus ed kalawakan;

Jeremias 5:1

Totood Jerusalem, batik kayod saray dalan yo! Nengneng kayod kaliber-liber! Nengneng yon dili! Sokimat yo ray tindaan! Makalmo kayo kasiy anggan sakey a toon manggagawa na katonungan, tan manaanap na kaptekan. No walay narumog yo, pirdonaen na Katawan so Jerusalem.

Zacarias 11:11

Kanyan naandi lad saman ya agew so sipanan. Bambantayan ak ed saman na saramay sumasaliw tan lumalako ed saray karniro, et amta ra a misasalita so Katawan diad panamegley na ginawak.

Zacarias 11:7

Saray sumasaliw tan lumalako na karniro et inupaan da ak, tan magmaliw ak a pumapastol na saray karniron papatasen. Angawit ak na duaran bastun; say sakey tinawag ko na “Panangasi” tan say sakey “Pankakasakey.” Inasikasok imay poluk na karniro.

Mateo 11:28

“Dago kayod siak, amin yon nakekesawan ed panaawit yoy ambelat, ta pampainawaen ta kayo.

Mateo 11:5

saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

Mateo 15:12

Linma ray disipulo ed sikato tan kuanda, “Amtam ya apasakitan mo ray Pariseo lapud samay imbagam?”

Mateo 18:31

Nen anengneng na saray arum ya aripen so agawa, naermenan iran maung. Linma rad samay ari tan indalem day amin ya agawa.

Mateo 20:7

‘Anggapo lantiy mangalad sikami a mankimey,’ kuanda. Inkuanto, ‘No ontan sirin, lakayo met a mankimey ed kaubasan ko!’

Lucas 14:13

Ingen, no mamponsia ka, imbitaan mo ray mairap-bilay, saray lopuy, saray piley, tan saray bulag.

Lucas 14:20

Inkuay sakey met, ‘Kapankasal ak, kanyan ag ko makakar.’

Lucas 14:22

Kapawil to may aripen inkuanto, ‘Amo, sinumpal koy ganggan mo, balet dakel niy nayorungan.’

Lucas 14:24

Kuankod sikayo: anggapod saray onaan ya inimbitaan ko so makataway na ponsiak!’”

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Lucas 9:10

Kapawil da ra may apostol, imbaga rad kinen Jesus iray amin a ginagawa ra. Intagar ira nen Jesus tan linma ran kabukbukoran da ed sakey a baley a manngaray Betsaida.

Juan 9:39

Inkuanen Jesus, “Linma ak diad mundo a manintinsia, pian makanengneng iray bulag tan nabulag iray makanengneng.”

Saray Hebreo 13:17

Toluk kayod saray pangulo yo tan sumpal yo ray ganggan da. Aasikasoen da ray kamarerwa yo, ta ebatan dad Dios yan panlilingkur dad sikayo. No onuren yo ra, maliket iran manumpal na kanepegan da; no andi, maermen iran manumpal, tan anggapoy kamaungan a niiter to yad sikayo.

Saray Hebreo 2:3

Panon sirin a naliktaran tayoy dusa, no palpaolyan tayoy ontan lan kabaleg na kilalaban? Say Katawan so onaan ya angibawag na sayan kilalaban, tan saray akadngel ed sikato pinaneknekan dad sikatayo a tua ya.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?

Puyan 19:15

Pinmaway so sakey a matdem ya ispada ed sangi to; sayan ispada so panalo tod saray bansa. Oleyan to ra yan bansa diad panamegley na balatyang a bastun, tan manlapud panagpespesay ubas, paagosen toy alak na baleg a pasnuk na Dios a Makapanyarin-amin.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.

1 Samuel 2:8

Agwaten tod dabuk iray mairap-bilay, tan aonen tod kairapan iray pangaskasiyan. Gawaen to ran kakaiba na saray prinsipi, tan iyakar to rad saray pasen na kagalangan. Kayaryan na Katawan iray punda-sion na mundo; diad saraya so angiletnegan toy mundo.

1 Samuel 25:12

Amawil ed kinen David ira may totoo to tan imbaga rad sikatoy imbaga nen Nabal.