Lucas 14:18 - Maung A Balita Biblia

¹⁸ Balet nambaraan iran amin. Inkuay sakey, ‘Kapansaliw koy dalin a dadalusan, et nakaukolan a laen kon nengnengen. Akaoley ki lan mangitepel ed siak.’

Maung a Balita Biblia

¹⁸ Balet nambaraan iran amin. Inkuay sakey, Kapansaliw koy dalin a dadalusan, et nakaukolan a laen kon nengnengen. Akaoley ki lan mangitepel ed siak.

Lucas 14:18 Iomraidhean Croise

Jeremias 6:10

Inmebat ak, “Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Lucas 14:17

Kasakbayay panangan, imbaki toy sakey ya aripen to a mangibagad saray naimbitaan, ‘Gali la, ta akaparaan lan amin!’

Lucas 14:19

Say sakey inkuanto, ‘Kapansaliw koy limaran paris a baka, tan laen ko ran salien ya isinta. Akaoley ki lan mangitepel ed siak.’

Lucas 18:24

Anengneng nen Jesus a maerermen imay too, kanyan inkuanto, “Mairap a tuloy ya onloob ed Panariay Dios iray mamayaman!

Lucas 8:14

Saramay ilik a dinmapod kasabitan aliling day totoon ondedengel, balet dederalen ira na saray gunigon, kayamanan, tan minumundon likeliket na panagbilay, kanyan ag ontatakken iray bunga ra.

Juan 1:11

Linmad dilin bansa to, balet ag inawat na saray dilin totoo to.

Juan 5:40

Balet, ag yo labay so onsingger ed siak pian nawalaan kayoy bilay.

FILIPOS 3:4

Say katwaan to, nayarian koy manmatalek ed saray totontonen a nanengneng. No walay mannununot a nayarian toy manmatalek ed saray totontonen a nanengneng, baleg ingen so pankanepegan ko nen say sikato.

2 Timoteo 4:10

Imbatikan ak nen Demas lapud panangaro tod sayan mundo, tan linmad Tesalonica. Linmad Galacia si Cresente, tan si Tito, dia ed Dalmacia.

2 Timoteo 4:4

Ibeneg da lay ondengel ed katwaan, ta iter da lay oras dad saray tongtongtong.

Saray Hebreo 12:16

Manalwar kayo, ta ompan mankasalanan kayoy inmoralidad o murmuraen yo ray bengatlan maispiritu, a singa ginawa nen Esau. Insalat tod sakey a panangan so kanepegan na inkapangulowan to.