Lucas 14:11 - Maung A Balita Biblia

¹¹ Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Maung a Balita Biblia

¹¹ Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.

Lucas 14:11 Iomraidhean Croise

2 Samuel 22:28

Iyaagel mo ray totoon mauyamo, balet papaabebaen mo ray mapaatagey.

Ester 6:10

Insan inkuanen ari, “Ganatan mon alaen imay kawes tan samay kabayo, tan gawam ed kinen Mardokeo a Judio iray amin ya imbagam a nagawa. Wadman natan a manyodyorung ed lolooban na palasio.”

Say Libro nen Job 22:29

Paabebaen na Dios iray mapaatagey tan iyagel to ray mapaabeba.

Saray Salmo 138:6

Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

Saray Salmo 18:27

Iyaagel mo ray totoon mauyamo, balet papaabebaen mo ray mapaatagey.

Probirbio 15:33

Say pangigalang ed Katawan et sakey a pakaaralan. Nepeg a mampaabeba ka kasakbayan a napagalangan ka.

Probirbio 18:12

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.

Probirbio 25:27

Makapoy ed laman so alabas a pangan na dilo, ontan met a makapoy so pananap na alablabas a dayew.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 2:17

Mansamput so panagpaatagey na too tan naderal so panagpasirayew na amin a katoowan. Naandipat a sigput iray talintaoy diriyos, tan nitanduro so Katawan labat diad satan ya agew.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Mateo 23:12

Say toon mampaatagey ed laman ton dili, napaabeba; say toon mampaabeba, napaatagey.”

Lucas 1:51

Impakana toy biskeg da ray taklay to, binuybuyak to ray mapaatagey tan saray getma ra.

Lucas 1:52

Tinumba to ray makapanyarin ari ed trono ra, tan intanduro to ray mapaabeba.

Lucas 14:12

Insan kuanen Jesus ed samay angimbitad sikato, “No mamponsia ka, ag mo ra iimbitaay kakaarom, agagim, kakanayon mo, o saray mamayaman a kakaabay mo, ta ag la pigan imbitaan da ka met. Diad ontan, nabalesay ginawam.

Lucas 18:14

Kuankod sikayo a sayan too sinmempet ya apirdona ray kasalanan to; balet samay Pariseo, andi. Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Santiago 1:9

Nepeg a panliketay agin mairap-bilay so pamaatagey na Dios ed kipapasen to,

Santiago 4:10

Mampaabeba kayod arap na Katawan et itanduro to kayo.

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

1 Pedro 5:6

Toluk kayo sirin ed pakayariy Dios, pian itanduro to kayo no onsabiy panaon ya inggana to.

1 Samuel 15:17

Inmebat si Samuel, “Anggaman ya ipapasen moy sikan dili ya abeba, sikay pangulo da ray tribu ed Israel. Say Katawan nilanaan to kan manari ed Israel,