Lucas 13:34 - Maung A Balita Biblia

³⁴ “Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Maung a Balita Biblia

³⁴ Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Lucas 13:34 Iomraidhean Croise

Nehemias 9:26

“Balet kinalaban ka na saray totoom tan ag da ka inonur; binenegan day Ganggan mo. Pinapatey da ray propitan mamapasakbay ed sikara, saray propitan mangibabagad sikaran ompawil irad sika. Pinapabaingan da kan amimpigapiga na saray totoom,

Nehemias 9:30

Piga-pigay taon ya inanosan mo ran pinapasakbayan. Impansasalitam iray propitam, balet nantelek-telekan iray totoom, kanyan inyabuloy mon nadakep na saray arum a bansa.

Saray Salmo 149:2

Israel, manggayaga ka lapud Manamalsam; totoo na Sion, manliket kayo lapud ari yo!

Saray Salmo 17:8

Iyagel mo ak pan singa panangyagel mod saray matam; iyamut mo ak pad silong da ray payak mo,

Saray Salmo 36:7

Mablin tuloy, O Dios, so ag mangoman a panangarom! Niyaagel kamid silong na saray payak mo.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Salmo 81:13

Agaylay pampirawat kon ondengel iray totook; agaylay pampirawat kon onuren da ak!

Saray Salmo 91:4

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Isaias 30:15

Say Katawan a Dios a Masanto na Israel kuanto ed saray totoo, “Pawil kayo tan mandeen kayon manmatalek ed siak. Diad ontan ombiskeg kayo tan niarawi kayod kaatapan.” Balet ag yo labay a gawaen.

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Jeremias 26:23

Manlapud Egipto inyakar dad kinen Ari Joakim si Urias; impapatey nen ari insan to impaibantak so bangkay to ed panangipomponan ed saray karaklan.)

Jeremias 35:14

Inonur na saray kabyangay boleg nen Jonadab so ganggan to ya ag ira oninom na alak, tan anggad natan anggapod sikaray oniinom na alak. Siak balet, ag yo ak oonuren anggaman ya ag ak ontotondan misasalitad sikayo.

Jeremias 35:17

Kanyan, siak, say Katawan a Makapanyarin-amin a Dios na Israel, iyakar kon amin iray insipan kon deral ed sikayo ran totood Juda tan Jerusalem. Gawaen ko ya, ta ag kayo dinmengel nen akisalita ak ed sikayo, tan ag yo ak inebatan nen tinawag ta kayo.”

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Saray Tagleey 1:16

“Sikato yay makasengeg no akin et managagos ed matak so lua. Anggapoy nayarin manligliwad siak; anggapoy makaiter ed siak na biskeg na linawa. Tinalo ak na saray kalaban; saray totook anggapoy nakdaan a kayaryan da.

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Oseas 11:2

Balet no panoy intawag kod sikato, ontan met so inyarawi tod siak. Nambabagat ed Baal iray totook; nampopool iray insinso ed saray talintaoy diriyos.

Oseas 11:7

Impasoot day ontaynan ed siak. Oneyag ira lapud pakod tenger da, balet anggapoy mangekal na samay pako ra.

Joel 2:23

“Manliket kayo, sikayon totood Sion, manliket kayod saray ginagawad sikayo na Katawan a Dios yo. Initdan to kayo na nagnap ya oran ed tiagew, impelag toy oran a para sikayo no panaoy ambetel tan pinaoran ton singa gendat no nepnep.

Zacarias 1:4

Ag yo aaligen iray lalaki yo. Nen saman saray propita sinalita ra so impaikuankod saray totoo a magbabawi rad saray kaogsan da. Balet ag ira dinmengel odino inmonur ed siak.

Mateo 22:3

Imbaki to ray aripen to a tawagen da ray totoon naimbitaan, balet ag da labay so ondago.

Mateo 22:6

Saray arum sinisingkat da ni ra may aripen, pinapabaingan da ra, insan da ni ra pinapatey.

Lucas 15:28

Diad pasnuk to may pangulowan, ag to onloob ed abung. Dinago nen ama to tan kinerew ton onloob la.

Lucas 19:44

Deralen da ka tan saray totoon walad loob na padir mo. Anggapoy anggan sakey a baton natilak ed pasen to, ta ag mo inasikasoy insabi na Dios a mangilaban ed sika!”

Lucas 23:28

Nilingaw nen Jesus ira tan inkuanto, “Bibiin taga Jerusalem! Ag yo ak nanangisan. Nangisan yo ingey sikayon dili tan saray anak yo.

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Saray Gawgawa 7:59

Leleg dan tutupaken si Esteban, tinmawag ed Katawan tan inkuanto, “Jesus a Katawan, awat moy Ispirituk.”

Saray Gawgawa 8:1

Inabubonan nen Saulo so impamatey dad kinen Esteban. Diad saman ya agew, ginmapoy impamairap dan maung ed iglisiad Jerusalem. Amin a mananisia, likud ed saray apostol, nikaykayat irad saray luyag na Judea tan Samaria.

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Puyan 11:8

tan naonat-onat iray bangkay da ed dalan na baleg a siudad, a dia nipasak ed krus so Katawan da. Sodoma o Egipto so maispiritun ngaran to yan siudad.

Ruth 2:12

Tumangan ka komun na Katawan lapud saray ginagawam. Nawalaan ka komuy nagnap a tumang manlapud Katawan a Dios na Israel a nanmatalkan mon mangyagel ed sika!”