Lucas 13:27 - Maung A Balita Biblia

²⁷ Balet ikuanto lamet, ‘Ag ko amta no iner so nanlapoan yo. Arawi kayod siak, sikayon managgaway kaogsan!’

Maung a Balita Biblia

²⁷ Balet ikuanto lamet, Ag ko amta no iner so nanlapoan yo. Arawi kayod siak, sikayon managgaway kaogsan!

Lucas 13:27 Iomraidhean Croise

Saray Salmo 1:6

Say Katawan iwawanwan tan iyaagel to so toon matonung, balet nabalang ya anggad angga so toon maoges.

Saray Salmo 101:8

Kinabwasan a deralen ko iray totoon maoges ed dalin tayo. Papawayen kod siudad na Katawan iray amin a managgaway kaogsan.

Saray Salmo 119:115

Arawian yo ak, sikayon totoon maoges. Onuren ko ray ganggan na Dios ko.

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 28:3

Ag mo ak pa pidudusad saray totoon maoges, totoon managgaway kaogsan— saray totoon maung so pitotongtong dad kapara ran too, balet walay bosul ed kapusoan da.

Saray Salmo 5:6

Dederalen mo ray totoon matitila, tan babalawen mo ray totoon managpatey tan managpalikdo na kapara ran too.

Saray Salmo 6:8

Arawian yo ak, amin yon managgaway kaogsan: Dedengelen ak na Katawan ed pannangnangis ko;

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Mateo 25:12

Balet inmebat imay nubio, ‘Kuankod sikayo, ag ta kayo kabat!’”

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Lucas 13:25

No inmalagey lay panguloy pamilya tan inkaput to lay puirta, wala kayod paway tan ontoktok kayo. ‘Katawan,’ inkuanyo, ‘lokasan mo kami pa!’ Onebat ed satan, ‘Ag ko amta no taga iner kayo!’

1 CORINTO 8:3

Balet kabat na Dios so toon mangaarod sikato.

TAGA GALACIA 4:9

Natan ta kabat yo lay Dios—andi manaya, no ag ta natan ta kabat ki lay Dios—akin et papawilen yo ray anggapoy nayarian tan saray pangaskasiyan a manangiwanwan na sayan mundo? Labay yo siriy paoleyan lamet ed sikara?

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”