Lucas 12:8 - Maung A Balita Biblia

⁸ “Kuankod sikayo a siopamay mamirbir ed siak ed arap na totoo, birbiren met na Anak na Too diad arap da ray anghil na Dios!

Maung a Balita Biblia

⁸ Kuankod sikayo a siopamay mamirbir ed siak ed arap na totoo, birbiren met na Anak na Too diad arap da ray anghil na Dios!

Lucas 12:8 Iomraidhean Croise

Saray Salmo 119:46

Ibawag kod saray arari iray ganggan mo, et ag ak ombaing.

Mateo 8:20

Inmebat si Jesus, “Wala ray ongib a panaayaman da ray asod katakelan, tan wala met iray obung da ray manok ed tagey, balet anggapoy anggan narokulan na Anak na Too.”

Lucas 15:10

Ontan met, kuankod sikayo, so panliket na saray anghil na Dios lapud sakey a toon mampataulid saray kasalanan to.”

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

1 Juan 2:23

Ta siopaman a mangipolisay ed Anak, ipopolisay to met so Ama; siopaman balet so mangaawat ed Anak walad sikato met so Ama.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Puyan 2:13

Amtak a manaayam kad kawalaan na trono nen Satanas. Anggaman ontan, siansian matoor kad siak. Ag mo binenegay pananisiam ed siak ya anggan nen si Antipas a matoor kon tasi et pinatey dad kawalaan mo a panaayaman nen Satanas.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.