Lucas 12:37 - Maung A Balita Biblia

³⁷ Alay liket da ray aripen a sipaparaan a nasabiay amo ra. Kuankod sikayo, ilislis toy kawes to, payorungen to ra, insan to ra serbian.

Maung a Balita Biblia

³⁷ Alay liket da ray aripen a sipaparaan a nasabiay amo ra. Kuankod sikayo, ilislis toy kawes to, payorungen to ra, insan to ra serbian.

Lucas 12:37 Iomraidhean Croise

Isaias 62:5

Singa sakey a balolakin mangaasawa na sakey a birhin, Say anibokel ed sika asawaen to ka. No panoy panliket na nubio ed nubia to, Ontan met so panliket ed sika na Dios mo.

Jeremias 32:41

Panliketan koy panggawak na kamaungan ed sikara, tan pansiansiaen ko ran iletneg ed sayan dalin.

Sofonias 3:17

Walad sika so Katawan a Dios mo; panaloen ka na pakayari to. Manliket so Katawan ed sika, tan lapud panangaro to itdan to kay balon bilay Mankanta tan manliket ed sika,

Mateo 24:42

Manalwar kayo sirin, ta ag yo amtay agew na isabiy Katawan yo.

Lucas 12:36

a singa saray aripen a manaalagar ed isabiy amo ra a manlapud bansal. No onsabi tan ontoktok, lokasan dan tampol so puirta.

Lucas 12:43

Maliket yan aripen no nasabian na amo to a gagawaen toy kimey to!

Lucas 17:8

Andi! Ikuanyo inged sikato, ‘Iparaan mo lay pangogtoan ko tan mampales ka, ta sirbian mo ak. Kasumpal ko, insan ka mangan!’

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Lucas 22:27

Siopay lalon manona: say akarongon mangakan, o say mansisirbi? Say akarongon mangakan. Balet managsirbi ak ed sikayo ran kakaibak.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

1 CORINTO 2:9

Balet onung na ibabagay Masanton Sulat, “Ag ni anengneng odino nadngel na too, ag met ni anggan sinmibang ed nunot to, so imparaan na Dios ed saray mangarod sikato.”

FILIPOS 1:21

Ta para siak si Cristo so bilay, kanyan maung ni so iter na patey.

FILIPOS 1:23

sarayan duan pilalek. Labay ko komuy ontaynan lad sayan bilay pian napilimugan ko lay Cristo; amtak a maung ni ya.

2 Pedro 1:11

Diad ontan, nawalaan kayoy nagnap a kanepegan ya onloob ed andi-anggaan a Panarian na Katawan tan Manangilaban tayon Jesu-Cristo.

2 Pedro 3:14

Kanyan inararon agagi, legan yon aalagaren ira ya, gawa yoy anggaay nayarian yon mambilay na mareen, ya anggapoy dotak tan pakabalawan ed sikayo diad arap na Dios.

Puyan 14:13

Insan nadngel koy sakey a bosis a nanlapud tawen a kuanto, “Isulat mo ya: Manlapud natan, maliket iray totoon ompatey a manlilingkur ed Katawan!” “Tua tan,” inkuan na Ispiritu. “Mampainawa la rad saray sagsagput da, ta mimila ed sikaray bunga na impanlilingkur da.”

Puyan 16:15

“Dengel kayo! Onsabi ak a singa matakew! Maliket iray abangon tan ag naneekal na kawes da, pian ag ira manakar-akar ya anggapoy akasolung ed laman da, et ag ira nabaingan ed saray totoo!”

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.”