Lucas 12:33 - Maung A Balita Biblia

³³ Ilako yo ray kayaryan yo, tan mangiter kayod saray mairap-bilay na nanlakoan yo. Manggawa kayo ray pitakan ag ondaan, tan mantipon kayo na kayamanan yo ed tawen yo, ta ag nabawasan diman, ag natakew, tan ag naderal na bokbok.

Maung a Balita Biblia

³³ Ilako yo ray kayaryan yo, tan mangiter kayod saray mairap-bilay na nanlakoan yo. Manggawa kayo ray pitakan ag ondaan, tan mantipon kayo na kayamanan yo ed tawen yo, ta ag nabawasan diman, ag natakew, tan ag naderal na bokbok.

Lucas 12:33 Iomraidhean Croise

Probirbio 13:7

Wala ray totoon mankonkonwarin mayaman, anta anggapo ra. Saray arum mankonkonwarin mairap-bilay ira, anta mayamyaman ira.

Aggeo 1:6

Nantanem kayoy dakerakel, balet dagdaiset so naani yo. Walay nanaakan yo, balet ag kayo napepesel. Walay nanainom yon alak, balet ag kayo napepenek! Walay ikakawes yo, balet ag napepetangan so laman yo. Ag makagenap a pambilay so nanaanap da ray kumikimey a miuupa.

Mateo 19:21

Inkuanen Jesus ed sikato, “No talagan labay mon anggapoy kakulangan mo, ilakom ya amin so kayaryan mo, insan mo iter so panlakoan mo ed saray mairap-bilay. Nawalaan kad satan na kayamanan ed tawen. Insan ka dia ompawil ya ontombuk ed siak.”

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Lucas 12:21

Inkuanen Jesus a pangisumpal to, “Onyay pansumpalan da ray mampayaman ya onkanad sikaran dili, balet et aliwa ran mayaman ed arap na Dios.”

Lucas 16:9

Intuloy nen Jesus so pansasalita to, “Kanyan kuankod sikayo ya ikana yod pikakaaro so kayamanan na sayan mundo, ta pian anggan naoput la yan kayamanan et maliket kayon naawat ed anggan ya ayaman.

Lucas 18:22

Kadngel nen Jesus ed saya inkuanto, “Wala niy sakey a kakulangan mo. Ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.”

Juan 12:6

Inkuanto ya, aliwan lapud panangasi tod saray mairap-bilay, no ag ingen lapud sikato et matakew. Sikatoy managegnay kuarta et angaala na natitipon.

Saray Gawgawa 2:45

Inlalako da ray kayaryan da tan imbubunog da, onung ed pankaukolan na balang sakey ed sikara.

2 CORINTO 8:2

Asubok ira na baleg a kairapan, balet malikeliket ni ra, kanyan mabolbolus iran mangiter anggaman ya ontan lay irap na panagbilay da.