Lucas 12:11 - Maung A Balita Biblia

¹¹ “No awiten da kayon akusaen ed saray sinagoga o diad arap da ray gobirnador o arum iran manoley, ag yo pampapagaan no panoy pangyagel yod sikayon dili o no antoy ibaga yo.

Maung a Balita Biblia

¹¹ No awiten da kayon akusaen ed saray sinagoga o diad arap da ray gobirnador o arum iran manoley, ag yo pampapagaan no panoy pangyagel yod sikayon dili o no antoy ibaga yo.

Lucas 12:11 Iomraidhean Croise

Exodo 4:12

Laka la sirin, tulongan ta kan mansalita, tan ibagak ed sika so salitaen mo.”

Mateo 23:34

Kanyan kuankod sikayo: mangibaki ak ed sikayo na saray propita, saray makakabat a totoo, saray bumabangat. Balet pateyen yoy pigarad sikara, tan ipasak yod krus iray arum. Sipsiplatan yo ray arum ed saray sinagoga yo, tan osil-osilan yo rad binaley-baley.

Mateo 6:25

“Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen tan inomen yo, o antoy ikawes yo. Ag ta mamabli niy bilay nen say kakanen? Ag ta mamabli niy laman nen say kawes?

Mateo 6:27

Siopad sikayo so makaparokey na bilay to na anggan saksakey a bekta, lapud pampaga to?

Mateo 6:28

“Tan akin et mapagpaga kayod ikawes yo? Imano yo pa no panoy ibabaleg da ray rosas a balang. Ag ira mankikimey; ag ira manggagaway ikawes da.

Mateo 6:31

Kanyan ag kayo mapagpaga. Ag kayo tepet a tepet na: ‘Antoy kanen mi kasi?’ o ‘Antoy inomen mi kasi?’ o ‘Antoy ikawes mi kasi?’

Mateo 6:34

Ag kayo sirin mapaga ed nakaukolan yo nabwas, ta say ontombuk ya agew makaoley lad saray dilin kapagaan to. Ag yo la iyaarum ed sayan agew iray kapagaan nabwas.”

Lucas 12:22

Inkuanen Jesus ed saray disipulo to, “Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen yo, o antoy ikawes yo.