Lucas 11:29 - Maung A Balita Biblia

²⁹ Nen ondarakel iray totoon onmomokut ed kinen Jesus inkuanto, “Agaylay kaogsan na totood sayan panaon! Onkekerew iray milagro, balet anggapoy milagron naimatunan da no ag say milagro nen propita Jonas.

Maung a Balita Biblia

²⁹ Nen ondarakel iray totoon onmomokut ed kinen Jesus inkuanto, Agaylay kaogsan na totood sayan panaon! Onkekerew iray milagro, balet anggapoy milagron naimatunan da no ag say milagro nen propita Jonas.

Lucas 11:29 Iomraidhean Croise

Ezekiel 24:24

Diad satan magmaliw ak a sakey a tanda ed sikayo: aligen yo ray amin a ginagawak. Imbaga na Katawan a no nagawa ya, naamtaan yo a sikato so Katawan a Dios.”

Jonas 1:1

Aminsan ya agew say Katawan akisalitad kinen Jonas a lakin anak nen Amitai.

Mateo 3:7

Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Marcos 8:38

Kanyan siopamay mangibaing ed siak tan saray salitak ed sayan panaon a makasalanan tan ag mamirbir ed Dios, sikato met so ibaing na Anak na Too, no onla dian ompawil a kataruk toy kagalangay Ama tan kaiba to ray masanton anghil.”

Lucas 11:16

Wala ni ray arum a totoon labay dan suboken si Jesus, kanyan kinerew dad sikaton manggaway milagro a pakanengnengan a walad sikatoy Dios.

Lucas 11:50

Kanyan napelag ed saray totood sayan panaon so dusa na impamatey ed saray propita, nanlapu lad impamalsay mundo.

Lucas 12:1

Nen libo-libon totooy nantitipon, a diad karakel da et makapanggagatinan la ra, inkuanen Jesus ya onona ed saray disipulo to, “Manalwar kayod libadura na saray Pariseo, salanti say pansimpisimpitan da.

Lucas 9:41

Inmebat si Jesus, “Agaylay kinaoges tan ag yo panisiad Dios, sikayon totood sayan panaon! Anggan kapigan kasiy piolup-olup kod sikayo? Anggad kapigay pananos kod sikayo?” Insan inkuantod samay too, “Iyakar mo pa dia tay anak mo.”

Juan 2:18

Dinmago sirin iray Judio ed sikato tan tinepet da, “Anton milagro so nipanengneng mod sikami a mamaneknek na pankatonungan mon manggawad saraya?”

Juan 6:30

Tinepet dad sikato, “Anton makapakelaw a gawa so nipanengneng mod sikami, pian sisiaen mi ka? Antoy gawaen mo?”

Juan 8:44

Say Diablo so ama yo, kanyan labay yon gawaen iray pilalek na ama yo. Sikatoy managpatey na too nanlapu lad gapo. Sumlang ed katwaan lawas, lapud anggapoy katwaan ed sikato. Ogali toy mantila, lapud sikatoy matila tan sikatoy ama na panagtila.

1 CORINTO 1:22

Saray Judio pilalek da ray milagro a pamaneknek, tan saray Grigo aanapen da so kakabatan.