Lucas 11:24 - Maung A Balita Biblia

²⁴ “No ompaway ed sakey a too so maoges ya ispiritu, mananap na amagan pasen a pampainawaan to. No anggapoy naalmo to, ikuantod sikaton dili, ‘Ompawil ak ed abung kon tinaynan ko.’

Maung a Balita Biblia

²⁴ No ompaway ed sakey a too so maoges ya ispiritu, mananap na amagan pasen a pampainawaan to. No anggapoy naalmo to, ikuantod sikaton dili, Ompawil ak ed abung kon tinaynan ko.

Lucas 11:24 Iomraidhean Croise

Say Libro nen Job 1:7

Tinepet na Katawan ed sikato “Iner so nanlapwan mo?” Inmebat si Satanas, “Manaakar-akar ak ta liliberen koy intiron mundo.”

Say Libro nen Job 2:2

Tinepet na Katawan ed sikato, “Iner so nanlapwan mo?” Inmebat si Satanas, “Manaakar-akar ak ta liliberen koy intiron mundo.”

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Probirbio 4:16

Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Isaias 35:7

magmaliw ya ilog so makasinit a kabueran, tan nawalaan na saray sobul so amaga-magan dalin. Ontubo ray tanobung tan saray talaib ed pasen a panaayaman a gendat na saray asod katakelan.

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 48:22

“Anggapoy kareenan so bilay da ray managkasalanan,” kuay Katawan.

Marcos 5:10

Insan akikasid kinen Jesus ya ag to komun paalisen ed saman a pasen ira may ispiritun maoges.

Marcos 9:25

Nen anengneng nen Jesus a pinasia lay totoon ondarago, ingganggan tod ispiritun maoges, “Ispiritun managpaemel, iganggan kod sikan ekal kad satay ogaw, tan ag ka lan balut ompapawil ed sikato!”

Lucas 11:25

Ompawil sirin tan naalmoan to ya anggapoy manaayam, malinis, tan masinup.

TAGA-EFESO 2:2

Diad saman a panaon tinombuk yoy maoges iran kagagawad sayan mundo; inonur yoy pangulo na saray maispiritun pakayarid tagey, say ispiritun manoley ed bilay da ray totoon ag ontotoluk ed Dios.

1 Pedro 5:8

Mamparaan tan manasikaso kayo! Ta say kalaban yon Diablo et singa lion a mangwam tan liber-liber a mananap na buagen to.