Lucas 11:2 - Maung A Balita Biblia

² “No mampikasi kayo,” kuanen Jesus, “onyay ibaga yo: ‘Ama: Nagalang komuy ngaran mo; onsabi la komuy Panarian mo.

Maung a Balita Biblia

² No mampikasi kayo, kuanen Jesus, onyay ibaga yo: Ama: Nagalang komuy ngaran mo; onsabi la komuy Panarian mo.

Lucas 11:2 Iomraidhean Croise

1 Saray Arari 8:43

dengel mo pay pikakasi to. Diad ayaman mod tawen dengel mo pa, tan iter mo so antokaman a kerewen tod sika, pian naamtaan tan takotan ka na amin a katoowan ed mundo a singa pakaamta tan itatakot ed sika na saray dilin totoom. Naamtaan dad satan a diad sayan Timplo ya impaalagey ko so nepeg a pangigalangan ed sika.

2 Saray Arari 19:19

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo, O Katawan, so Dios.”

2 Saray Awaran 20:6

insan nampikasi na maksil, “O Katawan a Dios na saray lalaki mi, wala kad tawen a manooley ed amin da ray bansa ed mundo. Makapanyari tan mabiskeg ka, kanyan anggapoy makasumpad sika.

Saray Salmo 103:20

Idayew yoy Katawan, sikayo ran mabiskeg tan makapanyarin anghil a manusumpal na saray ganggan to tan onderengel na ibabaga to.

Saray Salmo 108:5

O Dios, ipanengneng mo pad tawen so talonggaring mo tan diad intiron dalin say kagalangan mo.

Saray Salmo 11:4

Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

Saray Salmo 57:11

O Dios, ipanengneng mo pad tawen so talonggaring mo tan diad intiron dalin, say kagalangan mo.

Ecclesiastes 5:2

Mannunot ka ni kasakbayan a mansalita ka, tan ag ka bengatbengat a mansisipan ed Dios. Walad tawen so Dios tan wala kad tapew na dalin, kanyan ag mo la pasosolukan so kanepegan mon salitaen.

Isaias 63:16

Sika so ama mi. Ag kami bibirbiren na saray lalaki min di Abraham tan Jacob, balet sika, Katawan, so ama mi; sika lawas so mangyaagel ed sikami.

Ezekiel 36:23

No iparontal kod saray bansa so kasantosan na mablin ngaran ko—say ngaran ya impelag yod kababaingan diad pegley da—nakabatan dad satan a siak so Katawan. Siak, a Katawan a Dios, so nansalita. Ikana ta kayo a mangiparontal ed saray bansa a masanto ak.

Daniel 2:28

Balet walay Dios ed tawen a sikatoy mangipapaamtad saray mistirio. Impaamta tod sika, Kagalang ya Ari, no antoy nagawa ed arapen. Natan ibagak ed sika so kogip mo, say nipasingayew ed sika nen naogip ka.

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 7:18

Saray totoo na Sankatageyan a Dios et awaten da so panarian tan anggad anggan mansiansiad sikara yan panarian.”

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Levitico 22:23

Say bakan kalakyan odino kordiron masoluk odino kulang so imbaleg na dinan a partiy laman to et nayarin ibagat a pinalapud mabolus a linawa, balet ag nayarin isaklang a bagat diad panumpal ed sipan.

Habacuc 2:14

Say mundo et napano na pikakabat ed kagalangan na Katawan a singa inkapano na dayat na danum.

Mateo 10:32

“Siopamay mamirbir ed siak ed arap na saray totoo, birbiren ko met ed arap na Amak a walad tawen.

Mateo 3:2

Inkuanto, “Magbabawi kayod saray kasalanan yo, ta asingger lay Panariay tawen!”

Mateo 5:16

Ontan met, iwandag yod arap na katoowan so silew yo, pian nanengneng da ray maung a gawa yo, et diad ontan, idayew day Ama yon walad tawen.”

Lucas 11:1

Aminsan, mampipikasi si Jesus ed sakey a pasen. Nen asumpal, inkuan na sakey ed saray disipulo to, “Katawan, ibangat mo kami pan mampikasi, a singa impangibangat nen Juan ed saray disipulo to.”

Saray Taga Roma 1:7

Kanyan susulaten ta kayo, amin yon wadtad Roma ya inararoy Dios tan tinawag ton magmaliw a totoo to: Itdan kayo komun na Dios ya Ama tayo tan say Katawan tayo a Jesu-Cristo na bindision tan kareenan.

Saray Taga Roma 8:15

Ta say Ispiritu ya inter na Dios ed sikayo et ag to kayo gawaen ya aripen tan pagmaliwen a matakot, no ag ingen pagmaliwen to kayon anak na Dios tan tulongan to itayon ontawag ed Dios na “Ama! Ama mi!”

1 CORINTO 1:3

Itdan kayo komun na Dios ya Ama tayo tan say Katawan tayon Jesu-Cristo na bindision tan kareenan.

2 CORINTO 1:2

Itdan kayo komun na Dios ya Ama tayo tan say Katawan tayon Jesu-Cristo na bindision tan kareenan.

TAGA GALACIA 1:4

Pian nabolus itayod kaogsan a manooley ed sayan panaon, imbagat nen Cristo so bilay to lapud saray kasalanan tayo. Ginawa to ya, onung ed linaway Dios tan Ama tayo.

TAGA-EFESO 1:2

Itdan kayo komun na Dios ya Ama tayo tan say Katawan a Jesu-Cristo na bindision tan kareenan.

FILIPOS 1:2

Itdan kayo komun na Dios ya Ama tayo tan say Katawan a Jesu-Cristo na bindision tan kareenan.

FILIPOS 4:20

Say Dios tan Ama tayo so nagalang komun ya anggad angga. Amen.

COLOSAS 1:2

Diad saray totooy Dios a taga ra Colosas, saray matoor ya agagi ed Cristo: Itdan kayo komun na Dios ya Ama tayo na bindision tan kareenan.

1 TESALONICA 1:1

Sayan sulat nanlapud kindi Pablo, Silvano, tan Timoteo— Diad iglisian walad Tesalonica, a sikaray totoo na Dios Ama tan say Katawan a Jesu-Cristo: Nawalaan kayo komuy bindision tan kareenan.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

2 TESALONICA 2:16

Say Katawan tayon Jesu-Cristo tan say Dios ya Ama tayo ya angarod sikatayo tan angiter ed sikatayoy andi-anggaan a biskeg na linawa tan maung ya ilalo lapud panangasi to,

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Puyan 19:6

Kasumpal to ya, nadngel koy singa bosis na amayamay a totoo, a singa ungol na mabiskeg ya onaagos a danum tan dalagorug na karul. Inkuanda, “Idayew yoy Dios! Ta Ari so Katawan, say Makapanyarin-amin a Dios tayo!

Puyan 20:4

Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.