Lucas 10:42 - Maung A Balita Biblia

⁴² Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.”

Maung a Balita Biblia

⁴² Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.

Lucas 10:42 Iomraidhean Croise

Saray Salmo 119:111

Andi-anggaan a tawir ko iray ganggan mo; sikaray liket na pusok.

Saray Salmo 119:173

Sipaparaan ka komun ya ontulong ed siak, ta oonuren ko ray ganggan mo.

Saray Salmo 119:30

Pinilik so pagmaliw kon maonur; inimanok iray sintinsiam.

Saray Salmo 142:5

Katawan, onkekerew ak ed sika na tulong; sika, Katawan, so manangyagel ko; sika labat so nakaukolan kod sayan bilay.

Saray Salmo 17:15

Lapud matonung ak, nanengneng ta ka; no ombangon ak, say kiwawalam papanoen to ak na gayaga.

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

Saray Salmo 73:25

Anto niy kayaryan kod tawen no ag say sika? Bangta kayaryan ta ka anto niy pampilalekan ko diad tapew na dalin?

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Marcos 8:36

Antoy nagonggona na sakey a toon nakayaryan toy intiron mundo, no naandi lamlamang so bilay to?

Lucas 10:39

tan walay agi ton manngaray Maria. Si Maria inyorung tod saliyan na Katawan tan dinmengel ed saray bangat to.

Lucas 11:1

Aminsan, mampipikasi si Jesus ed sakey a pasen. Nen asumpal, inkuan na sakey ed saray disipulo to, “Katawan, ibangat mo kami pan mampikasi, a singa impangibangat nen Juan ed saray disipulo to.”

Lucas 12:20

Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

Lucas 12:33

Ilako yo ray kayaryan yo, tan mangiter kayod saray mairap-bilay na nanlakoan yo. Manggawa kayo ray pitakan ag ondaan, tan mantipon kayo na kayamanan yo ed tawen yo, ta ag nabawasan diman, ag natakew, tan ag naderal na bokbok.

Lucas 16:2

kanyan impatawag to. ‘Anto tay narerengelan kon nipaakar ed sika?’ inkuanto. ‘Mikuintaan ka lad siak, tan iter mo lan amiy listaan na impiak ed sikan kayaryan ko, ta ekalen ta ka lan inkargadok.’

Lucas 16:25

Balet inkuanen Abraham, ‘Anak ko, tandaan mo a nen mambibilay kad tapew na dalin, walad sikay maung iran bengatla, balet walad kinen Lazaro iray kairapan. Manliliket dia natan, balet maniirap kad tan.

Lucas 18:22

Kadngel nen Jesus ed saya inkuanto, “Wala niy sakey a kakulangan mo. Ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.”

Lucas 8:18

“Kanyan asikaso yoy karerengel yo. Ta say toon wala lay bengatlad sikato, naaruman niy walan bengatlad sikato; balet say toon anggapoy bengatlad sikato, naala so anggan say dagdaiset a bengatlan ipapasen to a walad sikato.”

Juan 11:1

Walay taloran sanaagi a taga ra Betania. Lazaro, Maria, tan Marta so kangaranan da.

Juan 11:19

Dakel iray Judio a linman manligliwa ed kindi Marta tan Maria, lapud impatey nen Lazaro ya agi ra.

Juan 12:3

Angalay Maria na sakey botilyan nankargay sakey libran mabmablin pabalingit a puron nardo. Inkalbo tod saray sali nen Jesus, insan to ra pinonasan na buek to. Kinmayat so balingit ed intiron abung.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.”

1 CORINTO 13:3

Anggaman ya iter kod saray mairap-bilay iray amin a kayaryan ko, o ibagat koy laman kon papoolan, no anggapo balet so arok, anggapoy kaabigan a niiter to yad siak.

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

Deuteronomio 30:19

Iiter kod sikayo natan so pankanawnawa yon mampili ed bilay tan patey, bindisionan na Dios tan say samba na Dios, tan tatawagen koy tawen tan dalin a mantasi no antoy pilien yo. Pili yo so bilay.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

Josue 24:22

Inkuanen Josue ed sikara, “Sikayon dili so tasi ya imbaga yon say Katawan so panlingkuran yo.” “On,” kuanda, “sikamin dili iray tasi.”