Lucas 10:34 - Maung A Balita Biblia

³⁴ Inasinggeran to, kinalboan toy larak tan alak iray sugat to, tan binerber to ra. Insan pinakabayo tod dilin ayep to; inawit tod abung a pundowan, tan diman to inasikaso.

Maung a Balita Biblia

³⁴ Inasinggeran to, kinalboan toy larak tan alak iray sugat to, tan binerber to ra. Insan pinakabayo tod dilin ayep to; inawit tod abung a pundowan, tan diman to inasikaso.

Lucas 10:34 Iomraidhean Croise

Genesis 42:27

Diad pasen a nampalabasan day labi, nilokasan na sakey ed sikara so sako to, ta pakanen toy asno to, et nalmo tod tapew na kargay sako imay kuartan imbayar to.

Saray Salmo 147:3

Papaabigen to ray nanaekalay biskeg na linawa tan beberberen to ray sugat da.

Exodo 4:24

Diad pasen a panagkampowan nen mamapaarap ed Egipto si Moises, say Katawan inabet to tan papateyen to.

Marcos 14:8

Ginawa na sayan bii so anggaay nayarian to. Kinalboan toy laman ko na pabalingit a pangiparaan na pangipompon ed siak.

Lucas 10:33

Wala met so sakey a Samaritano a dinmalan diman. Nen akasabid saman a pasen tan anengneng to may too, akasian to.

Lucas 10:35

Nen ontombuk ya agew, angaut na kuartad bulsa to, insan to inter ed samay inkargadoy abung a pundowan. Inkuanto, ‘Asikasom, ta kapawil ko dia, bayaran koy amin a nagastos mo nid panasikasom ed sikato.’”

Lucas 2:7

Nananak na sakey a laki, a sikato so pangulowan ya anak to. Binalkut toy lamping imay ogaw, insan to imparokul ed sakey ya atotung, ta anggapoy pasen da ed abung a pundowan.

Saray Taga Roma 12:20

Ingen, onung na ibabagay Masanton Sulat, “No narasay kalaban mo, pakan mo; no napgaan, painom mo; ta diad kababaingan to, singa ipapaagtom so ngalab ed olo to.”

1 TESALONICA 5:15

Ag kayo ombabawid saray nanggaway maoges ed sikayo, no ag ingen manggawa kayo lawas na pankaabigay sakey tan sakey ed sikayo tan amin a katoowan.