Lucas 10:33 - Maung A Balita Biblia

³³ Wala met so sakey a Samaritano a dinmalan diman. Nen akasabid saman a pasen tan anengneng to may too, akasian to.

Maung a Balita Biblia

³³ Wala met so sakey a Samaritano a dinmalan diman. Nen akasabid saman a pasen tan anengneng to may too, akasian to.

Lucas 10:33 Iomraidhean Croise

1 Saray Arari 8:50

Pirdonam pan amin iray kasalanan da tan say inkasumlang dad sika, tan iyabuloy mon kasian ira na saray kalaban da.

Exodo 2:6

Nilokasan nen prinsisa imay baskit tan anengneng toy sakey ya ogaw a manakakis. Naabagey to tan inkuanto, “Sayan ogaw et anak na sakey ed saray bibiin Hebrea.”

Probirbio 27:10

Ag mo lilingwanan iray kakaarom, odino saray kakaaro nen amam. No wala kad gunigon ag ka onkekerew na tulong ed agim; natulongan ka ni na kaabay mo nen say agim a walad arawi.

Mateo 10:5

Imbaki nen Jesus ira yan labindua tan onyay imbilin tod sikara: “Ag kayo oonla ed lugar da ray Hintil; ontan met ya ag kayo oonlad anggan anton baley da ray Samaritano.

Mateo 18:33

Kinasian mo met komun imay kaparam ya aripen a singa impangasik ed sika!’

Lucas 10:32

Dinmalan met diman so sakey a Levita. Nen akasabid saman a pasen tan anengneng to may too, pinaliisan to tan intuloy toy panaakar to.

Lucas 10:34

Inasinggeran to, kinalboan toy larak tan alak iray sugat to, tan binerber to ra. Insan pinakabayo tod dilin ayep to; inawit tod abung a pundowan, tan diman to inasikaso.

Lucas 7:13

Nen anengneng na Katawan imay ina na inatey akasian to, kanyan inkuanto, “Ag ka onaakis.”

Juan 4:9

Inmebat imay biin Samaritana, “Akin, anta Judio ka et mimiala kad siak na inomin mo? Ag mo ta amta a Samaritana ak?” (Ta saray Judio ag ira mitotongtong ed saray Samaritano.)

Juan 8:48

Inmebat iray Judio ed kinen Jesus, “Ag kasi tuay ibabaga min Samaritano ka, tan inaponan kay dimonyo?”