Lucas 1:9 - Maung A Balita Biblia

⁹ Onung ed kaogaliyan a totombuken na saray papari, nambibinagut ira. Si Zacarias so apalaran a mampool na insinso altar, kanyan linmoob ed Timploy Katawan.

Maung a Balita Biblia

⁹ Onung ed kaogaliyan a totombuken na saray papari, nambibinagut ira. Si Zacarias so apalaran a mampool na insinso altar, kanyan linmoob ed Timploy Katawan.

Lucas 1:9 Iomraidhean Croise

1 Saray Awaran 23:13

Si Amram so pangulowan tan sikatoy ama di Aaron tan Moises. (Si Aaron tan saray kabyangay boleg to et apili ran makaoley ya anggad angga ed saray masanton bengatla, mampool na insinso diad arapan na Katawan, manlingkur ed sikato, tan mamindision ed saray totoo diad ngaran na Katawan.

1 Saray Awaran 6:49

Si Aaron tan saray kabyangay boleg to so manangyapay na saray bagat ya insinso tan manangisaklang na saray bagat a popoolan ed tapew na altar. Sikaray makaoley ed amin a panangigalang diad Sankasantosan a Pasen tan diad saray bagat a pamirdonaan na Dios ed saray kasalanan na Israel. Sarayan amin ginagawa ra onung ed saray ganggan nen Moises ya aripen na Dios.

2 Saray Awaran 26:16

Balet nagmaliw a mapaatagey si Ari Uzias nen pinmalaloy pakayari to; sikato yay makasengeg na inkaderal to. Nileglemew to so Katawan a Dios to nen linmad Timplo a nampool na insinso ed tapew na altar a panagpoolay insinso.

2 Saray Awaran 29:11

Anak ko, ag kayo la manaabala. Sikayo ray pinili na Katawan a mampool na insinso ed sikato tan sikayo ray mangipangulo na saray totoo ed pangigalang ed sikato.”

Saray Bilang 16:40

Sikatoy sakey a pasakbay ed saray Israelita ya anggapoy onsingger ed altar a mampool na insinso para Katawan no aliwan kabyangay boleg nen Aaron. Ta no gawaen da, naparaan day agawad kinen Core tan saramay totoo to. Agawa yan amin onung na ingganggan na Katawan ed kinen Eleazar diad panamegley nen Moises.

Mateo 27:5

Imbantak nen Judas imay kuartan pilak ed loob na Timplo. Linma la, insan imbitay toy laman to.

Saray Hebreo 9:6

Onya so impakapangilira na saraman a bengatla. Saray papari onloloob ira ya inagew-agew ed onaan a parti a manumpal na saray kimey da.

1 Samuel 2:28

Diad saray amin a tribu na Israel, pinilik iray kabyangay pamilya to a magmaliw iran paparik, manlingkur ed altar, mamool na insinso, tan mansolung na ipod no mangipanon irad siak. Inter kod sikaray kanepegan a mangalay betang da ed saray bagat a popoolan.