Lucas 1:8 - Maung A Balita Biblia

⁸ Aminsan ya agew, si Zacarias manlilingkur a sakey a pari ed arap na Dios, ta asabi lay liber na kawalaan ton olup na papari.

Maung a Balita Biblia

⁸ Aminsan ya agew, si Zacarias manlilingkur a sakey a pari ed arap na Dios, ta asabi lay liber na kawalaan ton olup na papari.

Lucas 1:8 Iomraidhean Croise

1 Saray Awaran 24:19

Nilista ra yan lalaki onung na saray kimey da ya onlad dalem na Timplo tan manggawa na saray kimey ya inletneg na laki ra a si Aaron diad impangonur tod saray ganggan na Katawan a Dios na Israel.

1 Saray Awaran 24:2

Inatey ira di Nadab tan Abiu kasakbayan na impatey nen ama ra et anggapoy ataynan dan kabyangay boleg da, kanyan nagmaliw a papari ira di Eleazar tan Itamar ya agagi ra.

2 Saray Awaran 11:14

Tinaynan na saray Levita iray pastolan da tan saray arum nin dalin da, insan linma rad Juda tan Jerusalem, lapud si Ari Jeroboam na Israel tan saray sinmalat ed sikato et ag da ra panlingkuren a papari na Katawan.

2 Saray Awaran 31:19

Diad saray paparin manaayam ed saray siudad a nipabetang ed saray kabyangay boleg nen Aaron, odino diad saray panagpastolan a sakop na sarayan siudad, wala ray napampiaan a lalakin mangibunog na kakanen ed amin a lalakin kabyangay pamilya na pari tan diad balang sakey a walad listaan na saray boleg na Levita.

2 Saray Awaran 31:2

Pinasimbalo nen Ari Ezekias so togyup da ray papari tan saray Levita. Diad sayan togyup da niiter ed balang sakey so kanepegan ton kimeyan. Saraya so kimey da: say pangisaklang na bagat a popoolan tan say bagat a para kareenan, say pibiang ed panangigalang ed Dios diad Timplo, tan say pangiter na dayew tan pisasalamat diad nandoroman pasen na Timplo.

2 Saray Awaran 8:14

Diad impangonur tod saray bilin na ama ton David, inoksuy to so inagew-agew a kimey da ray papari, tan saray Levita a tinmulong ed saray papari diad panagkanta na saray imno tan diad saray arum a kimey da. Impanggrugrupo to met iray guardiad Timplo diad impanbantay dad balang puirta, onung ed saray ganggan nen David a too na Dios.

Esdras 6:18

Nipasen ed saray kanepegan dan kimey ed Timplod Jerusalem iray papari tan saray Levita, onung na saray ibabagay nisulat ed libro nen Moises.

Exodo 28:1

“Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

Exodo 28:41

Isolung mo ra yan kawes ed kinen agim ya Aaron tan saray anak ton lalaki. Insan mo ra ikonsagra tan isaklang diad panlanam ed sikara na larak na oliba, pian makapanlingkur iran papari ed siak.

Exodo 29:1

“Saya so gawaen mo ed kinen Aaron tan saray lalakin anak to diad pangikonsagram ed sikara, pian manlingkur iran papari ed siak. Mangala ka na sakey a kilaw a bakan kalakyan tan duaran karniron kalakyan ya anggapoy deral na laman da.

Exodo 29:44

Gawaen kon masanto so Tulda tan say altar, tan gawaen ko met a masanto si Aaron tan saray anak ton lalaki, pian makapanlingkur iran papari ed siak.

Exodo 29:9

balabalan mo rad awak tan isinger mod kaoloan da so sakub na toktok na olo. Ontan so pangikonsagram ed kinen Aaron tan saray lalakin anak to. Sikara tan saray kabyangay boleg da et nepeg a manlingkur iran papari ed siak diad ando lan ando.

Exodo 30:30

Insan mo poyukan si Aaron tan saray lalakin anak to tan ikonsagram ira a papari a manlingkur ed siak.

Saray Bilang 18:7

Balet sika tan saray anak mo labat so manggawa na saray susumpalen na inkapari a nipaakar ed altar tan antokaman a walad dalem na Sankasantosan a Pasen. Sika so makaoley ed sarayan bengatla, ta sikay angipalaboan ko na inkapari. Pateyen so siopamay toon aliwan manepeg ya onsingger ed saray masanton bengatla.”

Lucas 1:5

Nen si Herodes so ari na Judea, walay sakey a parin manngaray Zacarias, a kabyangay olup na paparin ipapangulo nen Abias. Say asawa nen Zacarias et si Elizabet, a kabyangay kailalakan nen Aaron.

Lucas 1:7

Anggapoy anak da, ta lepes si Elizabet; insan sakey ni, mataktakken la ran dua.