Lucas 1:79 - Maung A Balita Biblia

⁷⁹ pian nasilewan ton manlapud tawen iray walad bilonget tan anino na patey, tan iwanwan to itayod dalan na kareenan.”

Maung a Balita Biblia

⁷⁹ pian nasilewan ton manlapud tawen iray walad bilonget tan anino na patey, tan iwanwan to itayod dalan na kareenan.

Lucas 1:79 Iomraidhean Croise

Say Libro nen Job 10:22

dalin a walay kabilongetan, tan gewgew, dalin ya anggan say liwawa et bilonget.”

Say Libro nen Job 3:5

Nakobutan komun na ermen tan makapal a bilonget iman ya agew; nasakuban komun na lorem tan nasaniban so agew.

Saray Salmo 107:10

Nambibilay iray arum ed bilonget tan ermen; priso ran maniirap ya agolunggolungan,

Saray Salmo 107:14

Impaway to ra a nanlapud kawalaan dan bilonget tan ermen, tan pinopoltut to ray golunggolung da.

Saray Salmo 23:4

Anggan sankabilongetay dadalanen ko, ag ak ontakot, ta wala kad abay ko. Say baston tan say pekpek mo iyaagel da ak.

Saray Salmo 25:12

Saray matoluk ed Katawan et naamtaan dad sikato so dalan a nepeg dan tombuken.

Saray Salmo 44:19

Anggaman ontan pinaolyan mo kamin pakaskasid pegley da ray ayayep ed katakelan; tan inkaindan mo kamid sankabilongetan a pasen.

Probirbio 3:17

Say kakabatan pagmaliwen ton marakep so panagbilay mo, tan iyarawi to kad kaatapan legan mon mambilay.

Probirbio 8:20

Pankukurangan koy dalan na katunongan; totombuken ko ray basbas na kaptekan;

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 42:7

Itdan moy pakanengneng iray bulag, tan ibolus mo ray akayorung ed ambilonget a prisowan.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 48:22

“Anggapoy kareenan so bilay da ray managkasalanan,” kuay Katawan.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Isaias 49:9

Ikuankod saray priso, ‘Laka kayo la!’ tan diad saray walad kabilongetan ikuanko, ‘Paway kayo lad liwawa!’ Magmaliw iran singa saray karniro a mankakabkab ed kapokdulan;

Isaias 59:8

tan maatap so bilay na amin a too no siber-siber kayo. Andid katonungan iray amin a gagawaen yo. Pikewet a dalan so totombuken yo, tan maatap so bilay na amin a manakar ed satan a dalan.

Isaias 9:2

Akanengneng na baleg a silew iray totoon nankukurang ed kabilongetan. Nanayam irad sakey a dalin ya ambilbilonget, balet natan onsisindag so silew ed sikara.

Jeremias 2:6

Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Mateo 4:16

Saray totood sayan pasen ya abayag iran walad kabilongetan, anengneng day marlang a silew! Onsisindag yan silew ed saray manaayam diad kabilongetay patey!”

Lucas 2:32

Say silew a mamaliwawad saray Hintil, tan mangiter na dayew ed bansam ya Israel.”

Juan 1:9

Onsasabi diad mundo so tuan silew tan sikatoy mangiiter na liwawa ed saray katoowan.

Juan 12:46

Linma ak dia a silew ed sankamundoan, pian siopamay manisiad siak et ag mansiansiad kabilongetan.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Juan 9:5

Leleg a wadya ak ed mundo, siak so silew na sankamundoan.”

Saray Gawgawa 10:36

Saray Israelita so angiteray Dios na salita to. Sikaray angiteran toy Maung a Balita, a mangiter a kareenan diad panamegley nen Jesu-Cristo, a sikatoy Katawan na amin a katoowan!

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Saray Taga Roma 3:17

Ag da akabatay dalan na mareen a bilay;

TAGA-EFESO 5:8

Wala kayo nen saman ed bilonget, balet lapud totoo ki lay Katawan, wala ki lad silew. Kanyan mambilay kayo ed nepeg a pambilay da ray totoon walad silew.