Lucas 1:71 - Maung A Balita Biblia

⁷¹ Insipan ton iyagel to itayod saray kalaban tayo, tan ipaliis to itayod saray mamobosul ed sikatayo.

Maung a Balita Biblia

⁷¹ Insipan ton iyagel to itayod saray kalaban tayo, tan ipaliis to itayod saray mamobosul ed sikatayo.

Lucas 1:71 Iomraidhean Croise

2 Saray Arari 17:39

Nepeg a takotan yo ak, say Katawan a Dios yo, et iyagel ta kayod saray kalaban yo.”

Saray Salmo 106:10

Inlaban to rad saray amosul ed sikara; inyagel to rad saray kalaban da.

Saray Salmo 106:47

Ilaban mo kami pa, O Katawan a Dios mi, tan tipon mo kami a manlapud saray arum a bansa, pian misalamat kami, tan idayew miy masanton ngaran mo.

Jeremias 23:6

No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Ezekiel 28:26

Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.”

Ezekiel 34:25

Misipanan ak ed sikara tan sayan sipanan et mangyarawi ed sikara ed maoges. Paandien kod dalin iray maruksan ayayep, pian arawid kaatapan iray karnirok diad panayaman dad saray kaalogan tan diad iyogip dad katakelan.

Ezekiel 34:28

Ag la ran balut samsaman na saray bansan anggapoy Dios da, tan ag la ra buagen na saray ayayep ed takel. Mambilay la ran arawid kaatapan, tan anggapo lay manaktakot ed sikara.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Lucas 1:68

“Nagalang komuy Katawan a Dios na Israel! Ta nila ton tinulongan tan inyagel so bansa to.

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

1 Juan 3:8

Siopamay manggaway kasalanan kayaryan na Diablo, ta say Diablo et nankasalanan nanlapud gapo. Pinmanengneng so Anak na Dios a maneral na saray kimey na Diablo.