Lucas 1:49 - Maung A Balita Biblia

⁴⁹ lapud saray makapakelaw a bengatlan ginaway Makapanyarin Dios ed siak. Masanto so ngaran to;

Maung a Balita Biblia

⁴⁹ lapud saray makapakelaw a bengatlan ginaway Makapanyarin Dios ed siak. Masanto so ngaran to:

Lucas 1:49 Iomraidhean Croise

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Saray Salmo 111:9

Imbolus to ray totoo to, tan andi-anggaan so impisipanan tod sikara. Sikatoy masanto tan makapanyari!

Saray Salmo 24:8

Siopa yan matalonggaring ya ari? Say Katawan a mabiskeg tan makapanyari, say Katawan a mananalo ed bakal!

Saray Salmo 99:3

Idayew na amin a katoowan so matalonggaring tan mapagalang a ngaran to. Sikatoy masanto!

Saray Salmo 99:9

Idayew yoy Katawan a Dios tayo, tan igalang yo ed masanton palandey to! Masanto so Katawan a Dios tayo!

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Isaias 1:24

Kanyan dengel yo natan so ibabaga na Katawan a Makapanyarin-amin, say Makapanyarin Dios na Israel, “Ombawi ak ed sikayo ran kalaban ko, et ag yo ak lad satan nasigensigen.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Isaias 63:1

“Siopa yay onsasabin nanlapud siudad na Bozra ed Edom? Siopa yay mapagalang ya akakawes na ambal-balanga, a manaakar a sankataruk toy pakayari tan biskeg?” Sikato so Katawan, makapanyarin mangilaban, ya onsasabin mangibawag na pananalo to.

Jeremias 10:6

Katawan, anggapoy mipara ed sika: makapanyari ka, tan matalonggaring tan makapanyari so ngaran mo.

Jeremias 20:11

Balet wala ka, Katawan, ed diking ko, mabiskeg tan makapanyari ka, tan natumba ray mamapaseg-segang ed siak; ag da ak balut taloen. Andi-anggaan so pakapelag dad kababaingan lapud ag ira manalo. Ag balut nalingwanan so pakapelag dad kababaingan.

Marcos 5:13

Inabuloyan to ra, kanyan pinmaway ira may ispiritun maoges ed samay laki tan linmoob irad saramay baboy. Amin da ra may baboy—sakey a duan liboy bilang da—binmatik irad pandel, naplag irad dayat tan nalner ira.

Lucas 1:48

ta anunotan to ak a magter ya aripen to! Manlapud natan, tawagen ak a maliket na amin da ray katoowan,

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.

TAGA-EFESO 3:20

Diad Dios a makagaway lalon dakdakel nen say nayarian tin kerewen tan nunoten, diad panamegley na pakayarin mankikimey ed sikatayo:

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: “Masanto, masanto, masanto so Katawan a Dios a Makapanyarin-amin, say Dios nen saman, natan, tan say onsabi.”

1 Samuel 2:2

“Anggapoy masanto a singa say Katawan; anggapoy miparad sikato, anggapoy manangyagel a singa say Dios tayo.