Lucas 1:17 - Maung A Balita Biblia

¹⁷ Onlan onona nen say Katawan, tan nawalaan na singa pakayari tan ispiritu nen propita Elias. Papawilen toy panaarowan da ray ama tan anak. Papawilen to met ed dalan da ray matonung iray totoon bangar. Diad ontan, iparaan to ray totoo a mangawat ed Katawan.”

Maung a Balita Biblia

¹⁷ Onlan onona nen say Katawan, tan nawalan na singa pakayari tan ispiritu nen propita Elias. Papawilen toy panaarowan da ray ama tan anak. Papawilen to met ed dalan da ray matonung iray totoon bangar. Diad ontan, iparaan to ray totoo a mangawat ed Katawan.

Lucas 1:17 Iomraidhean Croise

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

1 Saray Arari 18:18

“Aliwan siak so managgunigon,” ebat nen Elias. “Sika—sika tan si amam. Ag mo oonuren iray ganggan na Katawan tan igagalang mo ray talintao nen Baal.

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

2 Saray Arari 1:16

Inkuantod ari, “Onya so ibabagay Katawan: ‘Lapud angibaki ka na saray mangipanon ed Baalzebub a dios na Ekron—a singa anggapo lay Dios na Israel a pangipanonan—ag ka la onabig; ompatey ka la!’”

1 Saray Awaran 29:18

O Katawan a Dios na saray lalaki min Abraham, Isaac, tan Jacob, pansiansiam pa a mamposapos ya ando lan ando ed kapusoan na sarayan totoom, ira yan getma tan kanunotan da. Pansiansiam pa met a matoor ira lawas ed sika.

2 Saray Awaran 29:36

Makaliliket si Ari Ezekias tan saray totoo, lapud tinulongan ira na Dios ed maganon impanumpal dad saray amin.

Saray Salmo 10:17

Dengelen mo, Katawan, so pikakasi da ray mapaabeba; pabiskegen moy linawa ra.

Saray Salmo 111:10

Say pangigalang ed Katawan so gapo na kakabatan; iitdan to na pakatalus iray mangoonur na ganggan to. Nepeg ya idayew ed ando lan ando so Katawan.

Saray Salmo 78:8

Ag ira magmaliw a singa saray lalaki ra a matonganga tan bangar iran totoo; aliwan malet so panagmatalek dad Dios, tan ag ira nansiansian matoor ed sikato.

Isaias 29:24

Naaralan na saray makulang-kulang so ontalus, tan manliket a paibangat iray mariklamo lawas.”

Amos 4:12

“Lapud saya sirin, totood Israel, sikayoy dusaen ko. Et lapud onyay gawaen ko, mamparaan kayo ed panintinsiak!”

Mateo 11:14

No panisiaan yo ra, si Juan so Elias a nipasakbay ya onsabi.

Mateo 14:4

Amimpiga-pigan imbaga nen Juan ed kinen Herodes, “Maoges ya iyamung moy Herodias, ta asaway agim!”

Mateo 3:3

Nipaakar ed kinen Juan so sinalita nen propita Isaias nen inkuanto, “Walay toon mambabandod kalawakan, ‘Iparaan yoy dalan na Katawan tan apiger yoy panakaran to!’”

Mateo 3:4

Bagoy kamilyo so kawes nen Juan, tan katat so balkes to. Dorun tan dilo so impambilay to.

Lucas 1:16

Dakel iray totoon taga Israel a papawilen tod Katawan a Dios da.

Lucas 1:76

“Sika balet, anak, natawag ka a propitay Sankatageyan a Dios. Ta onla kan onona nen say Katawan ya iparaan moy dalanen to;

Juan 1:13

Nagmaliw iran anak na Dios, aliwan lapud nianak iray too, tan aliwa met a lapud linawa na laman o pakayari na too, no ag ingen lapud pakayari na Dios.

Juan 1:34

Anengneng ko ya tan papaneknekan kod sikayo a sikatoy Anak na Dios.”

Juan 3:28

Sikayon diliy makatasi ya imbagak, ‘Aliwan siak so Cristo, no ag ta imbaki ak labat ya onona nen sikato.’

Saray Gawgawa 10:33

Impaawit ta kan tampol, tan salamat la ta sinmabi ka. Kanyan wadya kamin amin natan a nantitipon a sankanengneng na Dios tan manaalagar kamin mandengel na antokaman a paibabagad sikay Katawan.”

Saray Taga Roma 9:23

Ginawa to ya met a pangipanengneng toy ag miparan kagalangan to diad saray totoon kinasian to, saray imparaan to la ra nen saman a mangawat na kagalangan.

COLOSAS 1:12

Tan misalamat kid Ama a nanggawad sikatayon manepeg a minabang ed niparaan a tawiren da ray totoo to diad panarian na liwawa.

2 Timoteo 2:21

Siopamay onaarawid kaogsan nikana para nidoma-doma ran getma, ta sikatoy nigana tan makana-kanad Katawan. Sikatoy sipaparaan a nikanad amin a maung iran gawgawa.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

1 Juan 2:28

On, anak, mansiansia kayod Cristo, pian mataletalek itayo no sikatoy ompatnag tan ag itayo nabaingan ed sikato no Agew na isabi to.

Puyan 20:4

Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.

1 Samuel 7:5

Insan inkuanen Samuel ed amin da ray Israelita, “Mantitipon kayod Mizpa, tan ipikasi ta kayod man ed Katawan.”