Levitico 9:3 - Maung A Balita Biblia

³ Insan ibagam ed saray totood Israel a mangala ray sakey a kanding a kalakyan, ta ibagat da a para kasalanan, sakey taon a baka tan sakey taon a kordiro ya anggapoy deral na laman da, ta isaklang da ran bagat a popoolan,

Maung a Balita Biblia

³ Insan ibagam ed saray totood Israel a mangala ray sakey a kanding a kalakyan, ta ibagat da a para kasalanan, sakey taon a baka tan sakey taon a kordiro ya anggapoy deral na laman da, ta isaklang da ran bagat a popoolan,

Levitico 9:3 Iomraidhean Croise

Genesis 37:31

Amatey iray sakey a kanding, tan insawsaw dad dala to so kawes nen Jose.

Esdras 10:19

Insipan dan isian da ray kaasawaan da, insan angibagat iray sakey a karniron kalakyan a pangekal ed saray kasalanan da.

Esdras 6:17

Nen isaklang day Timplo, angibagat ira na sanlasus a bakan kalakyan, duan lasus a karniro, tan apat a lasus a kordiro. Angisaklang met ira na labinduan kanding a bagat para kasalanan; sakey a bagat so para balang sakey a tribu ed Israel.

Exodo 12:5

Nayarian yon pilien so sakey a karniro odino sakey a kanding, balet nakaukolan a kalakyan a mansakey taon tan anggapoy deral na laman to.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Levitico 10:16

Si Moises tinepet to so nipaakar ed samay kanding ya ibagat para kasalanan, et naamtaan to ya apoolan la. Lapud saya, akapasnuk si Moises ed kinen Eleazar tan si Itamar. Inkuantod sikara,

Levitico 12:6

No nagmaliw lan malinis onung ed ganggan kayari na inkarotak to lapud impananak to na laki odino bii, nepeg a mangyakar ed pari diad lolooban na Tuldan Ayamay Katawan na sakey taon a kordiro, ta isaklang a bagat a popoolan tan say sakey a malapati odino sakey a palekpek, ta isaklang a bagat a para kasalanan.

Levitico 14:10

Diad kumawalon agew sikatoy mangyakar na laman a duaran kordiron kalakyan tan sakey a kordiron kabatyan a sakey taon ya anggapoy deral na laman da, duaran kilon arina ya inkames ed larak na oliba tan talora tan kapalduan litro a larak na oliba.

Levitico 16:15

Kayari to ya, pateyen to may kanding ya ibagat a para saray kasalanan da ray totoo. Awiten to ed Sankasantosan a Pasen so dala to tan iwalsik tod samay sakub, insan diad arap na samay Kaban na Sipanan a singa ginawa tod dala na samay baka.

Levitico 16:5

Saray Israelita mangiter ira ed kinen Aaron na duaran kanding a kalakyan ya ibagat a para kasalanan tan sakey a karniron kalakyan ya isaklang a bagat a popoolan.

Levitico 23:12

Diad agew a pangisaklang yod bagat a trigo, mangisaklang kayo met na sakey taon a kordiron kalakyan ya anggapoy deral na laman to a sikatoy bagat a popoolan.

Levitico 4:23

tan no nipakabat la ed sikato so kasalanan ya agawa to, mangyakar na kanding a kalakyan ya anggapoy deral na laman to insan to ibagat.

Levitico 4:3

No say Pangulon Pari so nankasalanan tan impilanur to ray katoowan, nepeg a mangyapay na sakey a kilaw a bakan kalakyan ya anggapoy deral na laman to, insan to ibagat ed Katawan a para kasalanan to.

Levitico 9:2

Inkuantod kinen Aaron, “Mangala ka na sakey a kilaw na bakan kalakyan tan sakey a kordiron kalakyan ya anggapoy deral na laman da tan ibagat mo ra ed Katawan, say baka bagat a para kasalanan tan say kordiro bagat a popoolan.

Levitico 9:4

tan sakey a bakan kalakyan tan sakey a kordiron kalakyan ta ibagat da ran para kareenan. Ibagat da ra ya ed Katawan a katekep da so bagat a trigo ya inkames ed larak. Nepeg da yan gawaen ta say Katawan mampanengneng ed sikara natan.”

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.