Levitico 7:30 - Maung A Balita Biblia

³⁰ Sikaton dili so mangawit na sayan bagat a popoolan. Awiten to so taba tan pagew na samay ayep tan iyapay ton rigalo ed Katawan.

Maung a Balita Biblia

³⁰ Sikaton dili so mangawit na sayan bagat a popoolan. Awiten to so taba tan pagew na samay ayep tan iyapay ton rigalo ed Katawan.

Levitico 7:30 Iomraidhean Croise

Saray Salmo 110:3

Maabuloy iray totoom a milaban no agew a mibakal kad saray kalaban mo. Singa linaew ed kabkabwasan saray balolakim onla rad sika diad saray masanton pokdul.

Levitico 10:14

Balet sikayo tan saray anak yon lalaki tan bibii et nayarian yon kanen so pagew tan say kamanonur a sali a nisaklang a nidoma-doman rigalo ed Katawan a para saray papari. Nayarian yo ran kanen ed sakey a pasen a malinis onung ed ganggan. Sarayan bagat et niiter irad sikayo a parti ran nabebetangan yo ed saray bagat a para kareenan ya isaklang na saray totood Israel.

Levitico 10:15

Awiten da so kamanonur a sali tan say pagew no isaklang a bagat a popoolan ed Katawan so taba. Sarayan parti et kayaryan yo ra ed ando lan ando, sikayo tan saray anak yo, onung na ingganggan na Katawan.”

Levitico 3:14

tan saray onggendan a kabyangan na laman na ayep et ibagat dan popoolan ed Katawan: amin a taba na saray loob-loob,

Levitico 3:9

tan saray onggendan a parti na ayep isaklang dan bagat a popoolan ed Katawan: say taba, say mataban ikol a pinotut ed abay na tenten, amin a taban kinmolyaput ed saray loob-loob,

Levitico 8:27

Inyan to ra yan amin a kakanen diad saray lima nen Aaron tan diad lima na saramay anak to tan inyapay da a nidoma-doman rigalo ed Katawan.

Levitico 8:29

Insan inala nen Moises so pagew tan inyapay ton sakey a nidoma-doman rigalo ed Katawan. Sikato yay parti a kayaryan nen Moises ed samay karniron inkanad impangonsagra. Ginawa nen Moises so onung na ingganggan na Katawan.

Levitico 9:21

tan inyapay ton nidoma-doman rigalod Katawan a para saray papari ira so pagew tan saray kamanonur a sali, onung na ingganggan nen Moises.

Saray Bilang 6:20

Insan say pari iyapay to ran nidoma-doman rigalo ed Katawan; masanton bagat ira a para pari, a kaaruman ira na pagew tan ulpo na samay karniro ya onung ed ganggan et kayaryan ira na pari. Kayari to ya, samay Nazareo nayarin oninom la na alak.

Saray Bilang 8:11

insan si Aaron isaklang tod siak iray Levita a nidoma-doman rigalon nanlapud saray Israelita, ta gawaen day kimey ko.

Juan 10:18

Anggapoy makaekal na bilay ko, balet isaklang kon manlapud siak a dili so bilay ko. Walay pakayarik a mangiter tan mamawiy bilay ko. Ingganggan nen Amak yan gawaen ko.”

2 CORINTO 8:12

No mabolus kayon mangiter, awatey Dios so iter yo. Awaten to onung na walad sikayo, aliwan onung na anggapod sikayo.

Deuteronomio 18:3

“Kapag nibagat so baka odino karniro, nepeg ya iter ed saray papari iray takeb, saray aping, tan say eges.